“Metalloinvest” kompaniyasi O‘zbekistondan yuklarni temiryo‘l orqali tashish tariflarini pasaytirishni so‘ragan. Bu haqda kompaniya rahbari Nozim Efendiyev xabar berdi.
U tariflarni “adolatli” va teng bo‘lishga chaqirdi. O‘zbekiston hukumati bu masalani ko‘rib chiqishga va’da berdi.
“Metalloinvest” Toshkent metallurgiya kombinatidagi ishlab chiqarishni O‘zbekiston tiklanish va taraqqiyot jamg‘armasi bilan hamkorlikda boshqaradi.
Efendiyevning aytishicha, O‘zbekiston “katta salohiyatga” ega, ammo “logistik muammolar mavjud” — mamlakat dengiz portlardan va “kuchli savdo bozorlaridan” uzoqda joylashgan.
Bizda Rossiya, Qozog‘iston va O‘zbekiston o‘rtasida har xil tariflar: Rossiyada arzon, Qozog‘istonda qimmat, O‘zbekistonda undan ham qimmat. Vaholanki, bu eksport tranziti emas, biz bu yerga qayta ishlash uchun yarimtayyor mahsulotni olib kelyapmiz, — dedi u.
“Metalloinvest” rahbari “O‘zbekiston temir yo‘llari” rahbarlari bilan uchrashuvda ushbu masalani muhokama qilmoqchi.
Men adolatli, bir xil tarif bo‘lishini istayman, bu rossiyalik ishlab chiqaruvchilarni bu yerga olib kelishga undaydi, — deb tushuntirdi Nozim Efendiyev.
O‘zbekiston investitsiyalar va tashqi savdo vaziri Sardor Umurzoqov mamlakat rasmiylari muammoni o‘rganayotganini aytdi.
“O‘zbekiston temir yo‘llari” rahbari, albatta, siz bilan bog‘lanib, hisobot beradi, — deb va’da berdi u.
Avvalroq Alisher Usmonovning boyligi keskin kamaygani haqida xabar berilgan edi. Tadbirkor “Metalloinvest”, Xiaomi va boshqa telekommunikatsiya, tog‘-kon sanoati va mediakompaniyalarida ulushga ega.
Izoh (0)