O‘zbekistonda yanvar—mart oylarida qancha nikoh qayd etilgani ma’lum qilindi

O‘zbekistonda 2022-yilning yanvar—mart oylarida 57 ming 873 ta nikoh holati qayd etilgan. Bu haqda Davlat statistika qo‘mitasi xabar qildi.

Ma’lum bo‘lishicha, bu o‘tgan yilning mos davriga nisbatan 2 ming 15 taga kam.

Hududlar kesimida qayd etilgan nikohlar soni bo‘yicha Samarqand viloyati yetakchi — 6 ming 341 ta. So‘nggi o‘rinni esa 1 ming 314 ta nikoh ko‘rsatkichi bilan Navoiy viloyati qayd etgan. To‘liq ro‘yxat quyidagicha:

• Qoraqalpog‘iston – 4149 ta;
• Andijon viloyati – 4521 ta;
• Buxoro viloyati – 3694 ta;
• Jizzax viloyati – 2095 ta;
• Qashqadaryo viloyati – 6213 ta;
• Navoiy viloyati – 1314 ta;
• Namangan viloyati – 3611 ta;
• Samarqand viloyati – 6341 ta;
• Surxondaryo viloyati – 5136 ta;
• Sirdaryo viloyati – 1339 ta;
• Toshkent viloyati – 4572 ta;
• Farg‘ona viloyati – 5341 ta;
• Xorazm viloyati – 5241 ta;
• Toshkent shahri – 4306 ta.

Eslatib o‘tamiz, O‘zbekistonda 1-aprel holatiga ko‘ra, 1 kilometr kvadrat yer maydoniga o‘rtacha 78,9 nafar doimiy aholi soni to‘g‘ri keladi. Yil boshidan buyon 203,7 ming tug‘ilish qayd etilgan.

Avvalroq 2022-yilning 1-aprel holatiga O‘zbekistonning doimiy aholisi soni 35,4 million kishiga yetgani, doimiy aholi soni Samarqand viloyatida eng ko‘p — 4 049 900 kishi, Sirdaryo viloyatida esa eng kam — 883 100 kishini tashkil etayotgani to‘g‘risida xabar berilgandi.