Ўзбекистонда январь—март ойларида қанча никоҳ қайд этилгани маълум қилинди

Ўзбекистонда 2022 йилнинг январь—март ойларида 57 минг 873 та никоҳ ҳолати қайд этилган. Бу ҳақда Давлат статистика қўмитаси хабар қилди.

Маълум бўлишича, бу ўтган йилнинг мос даврига нисбатан 2 минг 15 тага кам.

Ҳудудлар кесимида қайд этилган никоҳлар сони бўйича Самарқанд вилояти етакчи — 6 минг 341 та. Сўнгги ўринни эса 1 минг 314 та никоҳ кўрсаткичи билан Навоий вилояти қайд этган. Тўлиқ рўйхат қуйидагича:

• Қорақалпоғистон – 4149 та;
• Андижон вилояти – 4521 та;
• Бухоро вилояти – 3694 та;
• Жиззах вилояти – 2095 та;
• Қашқадарё вилояти – 6213 та;
• Навоий вилояти – 1314 та;
• Наманган вилояти – 3611 та;
• Самарқанд вилояти – 6341 та;
• Сурхондарё вилояти – 5136 та;
• Сирдарё вилояти – 1339 та;
• Тошкент вилояти – 4572 та;
• Фарғона вилояти – 5341 та;
• Хоразм вилояти – 5241 та;
• Тошкент шаҳри – 4306 та.

Аввалроқ 2022 йилнинг 1 апрель ҳолатига Ўзбекистоннинг доимий аҳолиси сони 35,4 миллион кишига етгани, доимий аҳоли сони Самарқанд вилоятида энг кўп — 4 049 900 киши, Сирдарё вилоятида эса энг кам — 883 100 кишини ташкил этаётгани тўғрисида хабар берилганди.