O‘zbekistonda 2022-yilning yanvar—mart oylarida 57 ming 873 ta nikoh holati qayd etilgan. Bu haqda Davlat statistika qo‘mitasi xabar qildi.
Ma’lum bo‘lishicha, bu o‘tgan yilning mos davriga nisbatan 2 ming 15 taga kam.
Hududlar kesimida qayd etilgan nikohlar soni bo‘yicha Samarqand viloyati yetakchi — 6 ming 341 ta. So‘nggi o‘rinni esa 1 ming 314 ta nikoh ko‘rsatkichi bilan Navoiy viloyati qayd etgan. To‘liq ro‘yxat quyidagicha:
- Qoraqalpog‘iston – 4149 ta;
- Andijon viloyati – 4521 ta;
- Buxoro viloyati – 3694 ta;
- Jizzax viloyati – 2095 ta;
- Qashqadaryo viloyati – 6213 ta;
- Navoiy viloyati – 1314 ta;
- Namangan viloyati – 3611 ta;
- Samarqand viloyati – 6341 ta;
- Surxondaryo viloyati – 5136 ta;
- Sirdaryo viloyati – 1339 ta;
- Toshkent viloyati – 4572 ta;
- Farg‘ona viloyati – 5341 ta;
- Xorazm viloyati – 5241 ta;
- Toshkent shahri – 4306 ta.
Avvalroq 2022-yilning 1-aprel holatiga O‘zbekistonning doimiy aholisi soni 35,4 million kishiga yetgani, doimiy aholi soni Samarqand viloyatida eng ko‘p — 4 049 900 kishi, Sirdaryo viloyatida esa eng kam — 883 100 kishini tashkil etayotgani to‘g‘risida xabar berilgandi.
Izoh (0)