Professional boksning superyengil vazn toifasi (-63,5 kg) vakili Shohjahon Ergashev (21-0, 19 KO) o‘zining navbatdagi jangini 26-may kuni AQShda o‘tkazadi.
8 raundga mo‘ljallangan bu jangda Ergashevga Burkina Faso vakili Issuf Kinda (18-5, 7 KO) raqiblik qiladi.
Jang Salita Promotions tomonidan tashkillashtirilgan boks oqshomi doirasida Ford Community Center (Michigan, AQSh) arenasida o‘tkaziladi.
Ergashev so‘nggi jangini 2021-yilning dekabr oyida o‘tkazib, unda Tailand vakili Aekkaueye Kaumaneni nokautga uchratgandi. Kinda esa oxirgi marta 2020-yilning iyulida ringga ko‘tarilgan va unda mag‘lubiyatga uchragan.
Shohjahon yanvar oyida professional boksdagi faoliyatini yakunlaganini e’lon qilgandi. Biroq oradan ko‘p vaqt o‘tmay boksga qaytganini e’lon qildi.
Izoh (0)