«Барселона» Испания чемпионатининг қолдирилган 21-турида «Райо Вальекано» билан баҳс олиб борди ва 0:1 ҳисобида имкониятни бой берди.
Каталонияликлар илк бор бир мавсум давомида ўз майдонида кетма-кет 3 ўйинда мағлубиятга учради. Бунга қадар Хави шогирдлари «Кадис» (0:1) ва «Айнтрахт»га (2:3) қарши баҳсларда рақибга енгилган эди.
«Барселона» шу вақтга қадар ҳеч қачон бир мавсумда ўз майдонида кетма-кет 3 марта мағлубиятга учрамаганди. Фақатгина 1997/98 йилги мавсум охири ва 1998/99 йилги мавсум бошида ўз майдонида ўтган 3 та ўйинда имкониятни бой берган.
Шунингдек, «кўк-анорранглилар» жорий мавсум «Райо Вальекано»га қарши иккала баҳсда ҳам мағлубиятга учради. Биринчи даврада мадридликлар Радамель Фалькаонинг ягона голи эвазига ғалабани илиб кетганди. «Барселона» ўз тарихида илк бор «Раё»га қарши Ла Лиганинг ҳар иккала даврасида мағлуб бўлди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)