Futbol bo‘yicha Germaniya Bundesligasining 31-turida “Bavariya” 23-aprel, shanba kuni “Borussiya D”ni qabul qildi.
Uchrashuv mezbon “Bavariya”ning 3:1 hisobidagi g‘alabasi bilan yakunlandi. Myunxenliklar 15-daqiqada Serj Gnabri, 34-daqiqada esa Robert Levandovski ketma-ket gollari evaziga hisobda oldinga chiqib oldi.
Ikkinchi bo‘lim avvalida Emri Jan hisobni qisqartirdi. 83-daqiqaga kelib esa Jamol Musiala o‘yinga yakuniy nuqtani qo‘ydi.
Ushbu g‘alabadan keyin “Bavariya” muddatidan avval Germaniya Bundesligasi g‘olibligini qo‘lga kiritdi. Chempionat tugashiga 3 tur qolganda ikkinchi o‘rinda borayotgan dortmundliklar “Bavariya”dan 12 ochko ortda qolmoqda.
Qayd etish kerak, “Bavariya” uchun bu Bundesligadagi ketma-ket 10-chempionlik bo‘ldi, jamoaning umumiy g‘alabalari soni esa 32 taga yetdi. Murabbiy Yulian Nagelsmann “Bavariya” bilan ilk marta mamlakat chempionatida g‘olib bo‘ldi.
Bundesliga
31-tur bahsi
23-aprel, shanba
“Bavariya” — “Borussiya D” 3:1
Gollar: 1:0 – 15 Gnabri, 2:0 – 34 Levandovski, 2:1 – 52, penalti Jan, 3:1 – 83 Musiala.“Bavariya”: Noyer, Pavar, Ernandes, Upamekano, Devis, Goretska, Gnabri (Musiala, 63), Kimmix (Zyule, 90), Myuller (Zabitser, 82), Levandovski (Shupo-Moting, 90), Koman (Sane, 82).
“Borussiya D: Hits, Akanji, Zagadu, Gerreyru, Jan, Brandt, Reynyer (Bayno-Gittens, 67), Bellinghem, Volf (Mukoko, 88), Roys, Holand (Passlak, 87).
Ogohlantirishlar: Jan (40).
Izoh (0)