Prezident Shavkat Mirziyoyev hududlar iqtisodiyoti, aholi turmush sharoitlari bilan tanishish maqsadida Qashqadaryo viloyatiga jo‘nab ketdi. Bu haqda davlat rahbarining matbuot xizmati xabar berdi.
“Tashrif dasturi juda keng. Davlat rahbari bugunning o‘zida klaster va sanoat korxonalarida, fermer xo‘jaligi dalasida bo‘ladi, bunyodkorlik ishlari, mahallalardagi o‘zgarishlar bilan tanishadi. Shuningdek, xalq bilan muloqot, viloyat faollari bilan uchrashuv, qishloq xo‘jaligi va sanoat loyihalari taqdimoti ham rejalashtirilgan”, — deyiladi xabarda.
Eslatib o‘tamiz, Shavkat Mirziyoyev oxirgi marta Qashqadaryo viloyatiga 2021-yilning dekabrida tashrif buyurib, G‘uzordagi Uzbekistan GTL zavodini ishga tushirish marosimida ishtirok etgandi. Davlat rahbari viloyatga oktabr oyidagi tashrifida esa Qarshidagi Prezident maktabi o‘quvchilar bilan suhbatlashgan edi.
Izoh (0)