Mo‘g‘uliston poytaxti Ulan-Batorda sport kurashlari bo‘yicha Osiyo chempionatining birinchi kungi bahslari 19-aprel, seshanba kuni bo‘lib o‘tdi.
-87 kg vazn toifasida Tokio—2020 ishtirokchisi Jalgasbay Berdimuratov finalda Nosir Alizoda bilan bahs olib bordi va 1:3 hisobida mag‘lubiyatga uchrab, kumush medal sohibiga aylandi.
Bronza medali uchun kurashda -55 kg vazn toifasi vakili Jasurbek Ortiqboyev Hyok Jin Chondan ustun keldi. -130 kg vazn toifasida Mo‘minjon Abdullayev singapurlik Timoti Yu Lohni 4:0 hisobida mag‘lub etdi va O‘zbekiston terma jamoasiga 3-medalni taqdim etdi.
Aram Vardanyan (-77 kg) va Islomjon Bahromov (-63 kg) esa musobaqani erta yakunladi.
Kumush:
-87 kg: Jalgasbay Berdimuratov – Nosir Alizoda (Eron);
Bronza:
-55 kg: Jasurbek Ortiqboyev – Hyok Jin Chon (Janubiy Koreya);
-130 kg: Mo‘minjon Abdullayev – Timoti Yu Loh (Singapur).
Izoh (0)