Krishtianu Ronaldu tug‘ilgan farzandining vafoti tufayli “Liverpul”ga qarshi o‘yinda maydonga tushmaydi.
“Oila hamma narsadan ustun turadi, Ronaldu esa bu og‘ir damlarda yaqinlarini yonida bo‘ladi.
Demak, u ‘Enfild’da bo‘lib o‘tadigan ‘Liverpul’ga qarshi o‘yinda maydonga tushmasligini tasdiqlashimiz mumkin”, — deyiladi “Manchester Yunayted” bayonotida.
Oktabr oyida Ronaldu Jorjina Rodriges bilan egizak farzand kutayotganini ma’lum qilgandi. Keyinchalik bu o‘g‘il va qiz ekanligi ma’lum bo‘ldi. 18-aprel kuni Krishtianu bolalarning biri nobud bo‘lganini ma’lum qildi.
“Manchester Yunayted” APLning qoldirilgan 30-tur doirasida “Liverpul” bilan bahs olib boradi. Uchrashuv Toshkent vaqti bilan 19-apreldan 20-aprelga o‘tar kechasi 00:00 da boshlanadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)