Tennis bo‘yicha US Open musobaqasining amaldagi chempioni Emma Radukanu futbolga bo‘lgan qiziqishi va “Tottenhem”ga befarq emasligi haqida gapirdi.
“Jamoamdagilarning deyarli barchasi ‘shporlar’ning katta muxlisi. Ular doim meni ham bunga jalb qilishga urinadi. Futbolni faol kuzatib boraman deb aytolmayman, biroq ularning sharofati bilan qandaydir aloqani his qilaman.
Yevropa chempionatida Angliya terma jamoasi sardori Harri Keynni kuzatib borish yoqimli bo‘ldi. Yana men Son Hyon Minning ashaddiy muxlisiman. Shunday ekan, ha, ozroq qiziqaman”, — deydi Radukanu.
19 yoshli britaniyalik tennischi 2021-yilda US Open’da g‘olib chiqqan holda, o‘zining ilk “ulkan toj”ini qo‘lga kiritgandi. Emma BBC talqiniga ko‘ra, 2021-yilning eng yaxshi sportchisi, WTA tomonidan esa “yil kashfiyoti” deb topilgandi.
Izoh (0)