Qashqadaryo viloyati hokimining yana bir o‘rinbosari ishdang olindi. Bu haqda viloyat hokimligi axborot xizmati xabar berdi.
Ma’lum bo‘lishicha, Bojxona qo‘mitasi raisi o‘rinbosarligidan olingan O‘tkir Qodirov Murodjon Azimovga o‘rinbosar — viloyat investitsiyalar va tashqi savdo boshqarmasi boshlig‘i lavozimiga tayinlangan. Ushbu lavozimda ishlab kelgan Bahrom Yusupov esa ishdan olingan.
O‘tkir Qodirov 1984-yil Surxondaryo viloyatining Sariosiyo tumanida tug‘ilgan bo‘lib, Jahon iqtisodiyoti va diplomatiya universiteti hamda O‘zbekiston Respublikasi Strategik tahlil va istiqbolni belgilash Oliy maktabini tamomlagan.
Avvalroq Qashqadaryo hokimining birinchi o‘rinbosari Nodir Erkayev lavozimidan olinib, Chiroqchi tumaniga hokim etib tayinlangani, uning o‘rnini viloyat Davlat soliq boshqarmasi boshlig‘i lavozimida ishlab kelgan Alisher Qodirov egallagani xabar berilgandi.
Izoh (0)