InfinBANK boshqaruvi raisi o‘rinbosari Po‘lat Salimov bankning bugungi muvaffaqiyatlariga qanday erishgani, nima uchun bankning o‘z protsessingiga ehtiyoj borligi va yaqin kelajakdagi rejalarga batafsil to‘xtalib o‘tdi.
InfinBANK 14 yildan ortiq vaqtdan buyon mijozlarga keng ko‘lamli bank xizmatlarini ko‘rsatib kelmoqda. Bank doimiy ravishda takomillashib, mijozlar uchun yangi imkoniyatlar, barcha qulayliklarni yaratmoqda. 2021-yilda bank o‘zining bank kartalarini emissiya qilish tizimini yaratish jarayonini yakunladi va Visa hamda UnionPay to‘lov tizimlarining prinsipial a’zosiga aylandi.
InfinBANK qanday yaratilgan?
Bankimiz 2007-yil 26-oktabrda tashkil etilgan bo‘lib, 2010-yilda uning sof aktivlari 100 milliard so‘mdan oshgan. 2011-yilda SWIFT tizimi yordamida birinchi to‘lov amalga oshirildi, 2013-yilda esa InfinBANK jismoniy shaxslar orasidagi 100 minginchi mijoziga xizmat ko‘rsatdi.
2015-yilda InfinBANK xususiy aksiyadorlik banki maqomini ATBga o‘zgartirdi, shundan so‘ng u ISO 9001:2015 sertifikatini oldi, yangi bosh ofis ochdi va bankning 27,9 million dona aksiyasini sotishga erishdi — bu Respublika fond birjasining 2016-yil dekabr oyidagi rekord ko‘rsatkichi.
2021-yilda InfinBANK mobil ilovasining yangilangan versiyasi chiqarildi va OpenWay bilan birgalikda o‘z karta protsessing tizimini yo‘lga qo‘ydi. Bank Visa va UnionPay to‘lov tizimlarining prinsipial a’zosi bo‘ldi.
Bugungi kunda biznesning o‘ziga xos belgilari nimalarda ko‘zga tashlanadi?
2017-yildan buyon amalga oshirilayotgan ijtimoiy-iqtisodiy islohotlar tufayli O‘zbekistonda biznes yuritishga qiziqish sezilarli darajada oshdi. Doimiy ravishda yangi yo‘nalish va formatlarni izlayotgan, innovatsiyalar va raqamli texnologiyalarga e’tibor qaratadigan yangi yosh ishbilarmonlar avlodi shakllandi.
Shunga o‘xshash o‘zgarishlar bank sektorini ham chetlab o‘tmadi. InfinBANK bozorda birinchilardan bo‘lib biznes jarayonlarini raqamlashtirish zarurligini anglab yetdi, shuning uchun 2017-yilda u SAP CRM asosida mijozlar bilan munosabatlar jarayonlarini avtomatlashtirish, SAP BI/BW asosida ma’lumotlarini boshqarish va Pega platformasida kreditlash jarayonlarini avtomatlashtirish bo‘yicha loyihalarini amalga oshirdi.
Nima uchun bankning o‘z protsessingini yaratishga qaror qilindi?
Bank chakana sektor ulushini faol oshirish strategiyasini qabul qildi, uning asosiy tarkibiy qismlaridan biri, karta biznesi hisoblanadi. Bank mahalliy kartalar uchun UzCard va Humo tizimlari, Visa xalqaro kartalarini chiqarish uchun esa “Ipak Yo‘li” bankining protsessing xizmatlaridan foydalanardi, bu esa bankning ushbu yo‘nalishni rivojlantirish imkoniyatini sezilarli darajada cheklab qo‘ydi. Bankning o‘z protsessingini yaratishdan asosiy maqsad — biznes jarayonini to‘g‘ri qurishga intilish, bu ishni esa uning ustidan to‘liq nazorat o‘rnatmasdan amalga oshirib bo‘lmaydi.
Hamkor qanday tanlandi?
Tabiiyki, bu taklif etilayotgan platformaning texnik imkoniyatlari, uning moslashuvchanligi, eng asosiysi, tizimni bankning o‘zida mavjud kompetensiyalar asosida rivojlantirish imkoniyatiga bog‘liq edi. Hamkorning nufuzi va kelib chiqishi ham muhim rol o‘ynaydi. Yetkazib beruvchini tanlashda protsessing xizmatlari bozorining barcha tayanch o‘yinchilari ishtirok etdi. Tanlov uzoq davom etdi va OpenWay bizning hamkorimizga aylandi.
Protsessing yaratilishida ishlayotgan bank jamoasi kimlardan iborat?
Bank jamoasi elektron to‘lovlar bozorida katta tajribaga ega mutaxassislardan iborat.
Protsessing — bankning murakkab IT muhitidagi bo‘g‘inlardan faqat bittasi xolos, bu aloqalarning barchasi imkon qadar muammosiz ishlashi muhim. Bizning fikrimizcha, buning uddasidan chiqildi: belgilangan kunda bank AITB “Ipak Yo‘li” protsessingdan o‘z tizimimizga bemalol, jiddiy nosozliklarsiz o‘tdi, garchi kartalarni bir protsessingdan ikkinchisiga ko‘chirish jarayoni katta xavf tug‘dirsa ham.
Pandemiya davrida ish jarayoni qanday yo‘lga qo‘yilgan edi?
Loyihaning boshlanishi qat’iy lokdaunning joriy etilishi bilan bir vaqtga to‘g‘ri keldi, bu esa ba’zi qiyinchiliklarni keltirib chiqardi. Bunday keng ko‘lamli loyihani butunlay masofadan amalga oshirish ham bank, ham OpenWay jamoasi ishtirokchilari uchun birinchi tajriba edi. Bu qiyin va juda foydali tajriba bo‘ldi.
Bank o‘zi va yakuniy foydalanuvchilar uchun qanday afzalliklarga ega bo‘ldi?
Bankning ustuvor maqsadlari mijozlar ustuvor maqsadlariga bog‘liq. Biz ularni turli xil karta mahsulotlari bilan ta’minlash va ilgari xarid qilingan kartalarni boshqarish uchun qulay vositalarni, masalan, har bir karta uchun oylik ko‘chirma yoki mobil ilovada 3D Secure ulanish imkoniyatini taqdim etishni rejalashtirganmiz. Loyihamizning dastlabki mahsulotlari ishlab chiqarish jarayonida ekan, afzalliklar haqida gapirishga hali erta. Ammo ishonch bilan aytishimiz mumkinki, bank karta biznesini to‘liq rivojlantirish uchun yuqori sifatli vositaga ega bo‘ldi.
Yangi mahsulot va xizmatlarni joriy etish bo‘yicha qanday rejalaringiz bor?
Hozirda yangi mahsulotlarni ishlab chiqish jadal davom etmoqda, bu haqida bank mijozlari tez orada bilib olishadi. Hozir mobil ilovamiz orqali virtual Visa kartasini ochish xizmatini ishga tushirdik, yaqin kelajakda mijozlarimiz ilova yordamida 3D Secure xizmatini ulash, PIN-kod o‘rnatish va o‘zgartirish, karta bo‘yicha ko‘chirmalar olish va kartalarni yetkazib berish imkoniyatlariga ega bo‘lishadi. Yangi protsessing bazasida biz qiziqarli sodiqlik dasturlariga ega yangi turdagi debet va kredit kartalari ustida ishlayapmiz.
2022-yilning muhim loyihalaridan biri — Oracle FLEXCUBE asosidagi yangi avtomatlashtirilgan bank tizimini ishga tushirish bo‘lib, u bankka mijozlarga xizmat ko‘rsatish sifati va xodimlarning ish unumdorligini oshirish, operatsiyalarni optimallashtirish va xavflarni boshqarishni takomillashtirish imkonini beradi.
“Kelgusi yillarda InfinBANK chakana savdo bozorida yanada yuksalish va o‘z mijozlariga omnikanal raqamli xizmatlardan foydalangan holda sifatli xizmat ko‘rsatish uchun jiddiy qadamlar tashlashni rejalashtirmoqda. Ishonchimiz komilki, OpenWay platformasi negizida to‘liq ishlaydigan protsessing markazi bankka nafaqat operatsion xarajatlarni kamaytirish va innovatsion mahsulotlarni tezroq joriy etish, balki qo‘shimcha imtiyozlarga ega bo‘lish va O‘zbekiston bozoridagi o‘rnini mustahkamlashga yordam beradi”, — dedi OpenWay’ning MDH mamlakatlarida biznesni rivojlantirish bo‘yicha direktor o‘rinbosari Dmitriy Dovgal.
Reklama huquqi asosida.
Izoh (0)