InfinBANK бошқаруви раиси ўринбосари Пўлат Салимов банкнинг бугунги муваффақиятларига қандай эришгани, нима учун банкнинг ўз процессингига эҳтиёж борлиги ва яқин келажакдаги режаларга батафсил тўхталиб ўтди.
InfinBANK 14 йилдан ортиқ вақтдан буён мижозларга кенг кўламли банк хизматларини кўрсатиб келмоқда. Банк доимий равишда такомиллашиб, мижозлар учун янги имкониятлар, барча қулайликларни яратмоқда. 2021 йилда банк ўзининг банк карталарини эмиссия қилиш тизимини яратиш жараёнини якунлади ва Visa ҳамда UnionPay тўлов тизимларининг принципиал аъзосига айланди.
InfinBANK қандай яратилган?
Банкимиз 2007 йил 26 октябрда ташкил этилган бўлиб, 2010 йилда унинг соф активлари 100 миллиард сўмдан ошган. 2011 йилда SWIFT тизими ёрдамида биринчи тўлов амалга оширилди, 2013 йилда эса InfinBANK жисмоний шахслар орасидаги 100 мингинчи мижозига хизмат кўрсатди.
2015 йилда InfinBANK хусусий акциядорлик банки мақомини АТБга ўзгартирди, шундан сўнг у ISO 9001:2015 сертификатини олди, янги бош офис очди ва банкнинг 27,9 миллион дона акциясини сотишга эришди — бу Республика фонд биржасининг 2016 йил декабрь ойидаги рекорд кўрсаткичи.
2021 йилда InfinBANK мобил иловасининг янгиланган версияси чиқарилди ва OpenWay билан биргаликда ўз карта процессинг тизимини йўлга қўйди. Банк Visa ва UnionPay тўлов тизимларининг принципиал аъзоси бўлди.
Бугунги кунда бизнеснинг ўзига хос белгилари нималарда кўзга ташланади?
2017 йилдан буён амалга оширилаётган ижтимоий-иқтисодий ислоҳотлар туфайли Ўзбекистонда бизнес юритишга қизиқиш сезиларли даражада ошди. Доимий равишда янги йўналиш ва форматларни излаётган, инновациялар ва рақамли технологияларга эътибор қаратадиган янги ёш ишбилармонлар авлоди шаклланди.
Шунга ўхшаш ўзгаришлар банк секторини ҳам четлаб ўтмади. InfinBANK бозорда биринчилардан бўлиб бизнес жараёнларини рақамлаштириш зарурлигини англаб етди, шунинг учун 2017 йилда у SAP CRM асосида мижозлар билан муносабатлар жараёнларини автоматлаштириш, SAP BI/BW асосида маълумотларини бошқариш ва Pega платформасида кредитлаш жараёнларини автоматлаштириш бўйича лойиҳаларини амалга оширди.
Нима учун банкнинг ўз процессингини яратишга қарор қилинди?
Банк чакана сектор улушини фаол ошириш стратегиясини қабул қилди, унинг асосий таркибий қисмларидан бири, карта бизнеси ҳисобланади. Банк маҳаллий карталар учун UzCard ва Humo тизимлари, Visa халқаро карталарини чиқариш учун эса «Ипак Йўли» банкининг процессинг хизматларидан фойдаланарди, бу эса банкнинг ушбу йўналишни ривожлантириш имкониятини сезиларли даражада чеклаб қўйди. Банкнинг ўз процессингини яратишдан асосий мақсад — бизнес жараёнини тўғри қуришга интилиш, бу ишни эса унинг устидан тўлиқ назорат ўрнатмасдан амалга ошириб бўлмайди.
Ҳамкор қандай танланди?
Табиийки, бу таклиф этилаётган платформанинг техник имкониятлари, унинг мослашувчанлиги, энг асосийси, тизимни банкнинг ўзида мавжуд компетенциялар асосида ривожлантириш имкониятига боғлиқ эди. Ҳамкорнинг нуфузи ва келиб чиқиши ҳам муҳим рол ўйнайди. Етказиб берувчини танлашда процессинг хизматлари бозорининг барча таянч ўйинчилари иштирок этди. Танлов узоқ давом этди ва OpenWay бизнинг ҳамкоримизга айланди.
Процессинг яратилишида ишлаётган банк жамоаси кимлардан иборат?
Банк жамоаси электрон тўловлар бозорида катта тажрибага эга мутахассислардан иборат.
Процессинг — банкнинг мураккаб IT муҳитидаги бўғинлардан фақат биттаси холос, бу алоқаларнинг барчаси имкон қадар муаммосиз ишлаши муҳим. Бизнинг фикримизча, бунинг уддасидан чиқилди: белгиланган кунда банк АИТБ «Ипак Йўли» процессингдан ўз тизимимизга бемалол, жиддий носозликларсиз ўтди, гарчи карталарни бир процессингдан иккинчисига кўчириш жараёни катта хавф туғдирса ҳам.
Пандемия даврида иш жараёни қандай йўлга қўйилган эди?
Лойиҳанинг бошланиши қатъий локдауннинг жорий этилиши билан бир вақтга тўғри келди, бу эса баъзи қийинчиликларни келтириб чиқарди. Бундай кенг кўламли лойиҳани бутунлай масофадан амалга ошириш ҳам банк, ҳам OpenWay жамоаси иштирокчилари учун биринчи тажриба эди. Бу қийин ва жуда фойдали тажриба бўлди.
Банк ўзи ва якуний фойдаланувчилар учун қандай афзалликларга эга бўлди?
Банкнинг устувор мақсадлари мижозлар устувор мақсадларига боғлиқ. Биз уларни турли хил карта маҳсулотлари билан таъминлаш ва илгари харид қилинган карталарни бошқариш учун қулай воситаларни, масалан, ҳар бир карта учун ойлик кўчирма ёки мобил иловада 3D Secure уланиш имкониятини тақдим этишни режалаштирганмиз. Лойиҳамизнинг дастлабки маҳсулотлари ишлаб чиқариш жараёнида экан, афзалликлар ҳақида гапиришга ҳали эрта. Аммо ишонч билан айтишимиз мумкинки, банк карта бизнесини тўлиқ ривожлантириш учун юқори сифатли воситага эга бўлди.
Янги маҳсулот ва хизматларни жорий этиш бўйича қандай режаларингиз бор?
Ҳозирда янги маҳсулотларни ишлаб чиқиш жадал давом этмоқда, бу ҳақида банк мижозлари тез орада билиб олишади. Ҳозир мобил иловамиз орқали виртуал Visa картасини очиш хизматини ишга туширдик, яқин келажакда мижозларимиз илова ёрдамида 3D Secure хизматини улаш, PIN-код ўрнатиш ва ўзгартириш, карта бўйича кўчирмалар олиш ва карталарни етказиб бериш имкониятларига эга бўлишади. Янги процессинг базасида биз қизиқарли содиқлик дастурларига эга янги турдаги дебет ва кредит карталари устида ишлаяпмиз.
2022 йилнинг муҳим лойиҳаларидан бири — Oracle FLEXCUBE асосидаги янги автоматлаштирилган банк тизимини ишга тушириш бўлиб, у банкка мижозларга хизмат кўрсатиш сифати ва ходимларнинг иш унумдорлигини ошириш, операцияларни оптималлаштириш ва хавфларни бошқаришни такомиллаштириш имконини беради.
«Келгуси йилларда InfinBANK чакана савдо бозорида янада юксалиш ва ўз мижозларига омниканал рақамли хизматлардан фойдаланган ҳолда сифатли хизмат кўрсатиш учун жиддий қадамлар ташлашни режалаштирмоқда. Ишончимиз комилки, OpenWay платформаси негизида тўлиқ ишлайдиган процессинг маркази банкка нафақат операцион харажатларни камайтириш ва инновацион маҳсулотларни тезроқ жорий этиш, балки қўшимча имтиёзларга эга бўлиш ва Ўзбекистон бозоридаги ўрнини мустаҳкамлашга ёрдам беради», — деди OpenWay’нинг МДҲ мамлакатларида бизнесни ривожлантириш бўйича директор ўринбосари Дмитрий Довгал.
Реклама ҳуқуқи асосида.
Изоҳ (0)