Toshkent viloyatining Chirchiq shahrida tadbirkorning 533,6 million so‘mlik mulkini o‘zlashtirgan MCHJ rahbariga nisbatan jinoyat ishi qo‘zg‘atildi, deb xabar beradi Bosh prokuratura huzuridagi departament.
Ma’lum qilinishicha, departamentning Chirchiq shahar bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Tekshiruv davomida “M.M.” MCHJ rahbari X.X. “M” nomli boshqa MCHJdan vaqtincha foydalanish uchun ijara shartnomasiga asosan qabul qilib olgan qurilish ishlarida foydalanadigan 533,6 million so‘mlik texnika va uskunalarini o‘zlashtirish yo‘li bilan talon-toroj qilgani aniqlangan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq O‘zbekiston Mudofaa vazirligiga qarashli korxona 15,3 milliard so‘mlik moliyaviy xato va kamchilikka yo‘l qo‘ygani aniqlangani, Qashqadaryoda soliqdan bo‘yin tovlab, 700 million so‘m soliq pulini yashirgan quruvchi javobgarlikka tortilgani, Farg‘onada 4,3 mlrd so‘mni talon-toroj qilib, qimor o‘yinlariga tikib yuborgan kollej bosh hisobchisi qamoqqa olingani to‘g‘risida xabar berilgandi.
Mavzuga doir:
- Buxoroda jamiyat rahbari 11 kishidan firibgarlik bilan olgan pullarga Spark, Malibu va Captiva sotib olgani aniqlandi
- Namanganda qaynota o‘g‘lining qarzini to‘lash uchun kelini nomiga 2 mlrd so‘m kredit olgani aniqlandi
- Toshkent viloyatida 2,6 mlrd so‘m kredit mablag‘larini talon-toroj qilgan bank xodimi ushlandi
Izoh (0)