Тошкент вилоятининг Чирчиқ шаҳрида тадбиркорнинг 533,6 миллион сўмлик мулкини ўзлаштирган МЧЖ раҳбарига нисбатан жиноят иши қўзғатилди, деб хабар беради Бош прокуратура ҳузуридаги департамент.
Маълум қилинишича, департаментнинг Чирчиқ шаҳар бўлими томонидан тадбиркорлик субъектларининг ҳуқуқларини ҳимоя қилиш юзасидан терговга қадар текширув ўтказилган. Текширув давомида «М.М.» МЧЖ раҳбари Х.Х. «М» номли бошқа МЧЖдан вақтинча фойдаланиш учун ижара шартномасига асосан қабул қилиб олган қурилиш ишларида фойдаланадиган 533,6 миллион сўмлик техника ва ускуналарини ўзлаштириш йўли билан талон-торож қилгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Ўзбекистон Мудофаа вазирлигига қарашли корхона 15,3 миллиард сўмлик молиявий хато ва камчиликка йўл қўйгани аниқлангани, Қашқадарёда солиқдан бўйин товлаб, 700 миллион сўм солиқ пулини яширган қурувчи жавобгарликка тортилгани, Фарғонада 4,3 млрд сўмни талон-торож қилиб, қимор ўйинларига тикиб юборган коллеж бош ҳисобчиси қамоққа олингани тўғрисида хабар берилганди.
Мавзуга доир:
- Бухорода жамият раҳбари 11 кишидан фирибгарлик билан олган пулларга Spark, Malibu ва Captiva сотиб олгани аниқланди
- Наманганда қайнота ўғлининг қарзини тўлаш учун келини номига 2 млрд сўм кредит олгани аниқланди
- Тошкент вилоятида 2,6 млрд сўм кредит маблағларини талон-торож қилган банк ходими ушланди
Изоҳ (0)