«Манчестер Юнайтед» ҳужумчиси Криштиану Роналду Премьер Лига доирасида «Норвич»га қарши кечган учрашувда (3:2) ҳет-трик муаллифига айланди.
Португалиялик футболчи ўйиндаги учинчи голини жарима зарбасидан амалга оширди. Бу Роналду фаолиятидаги жарима зарбасидан урилган 58-гол бўлди. 37 ёшли футболчи мазкур кўрсаткич бўйича «ПСЖ» форварди Лионель Мессига етиб олди.
Роналду 651 кун деганда илк бор жарима зарбасидан гол урди. Охирги марта у 2020 йилнинг июлида А Серия доирасида «Торино»га қарши кечган баҳсда жарима зарбасини муваффақиятли амалга оширганди.
Криштиану «Манчестер Юнайтед»га қайтганидан кейин ўнинчи уринишда жарима зарбасидан гол урди. «Ювентус»да ҳужумчи 71 та уринишдан битта тўп киритганди.
Роналду АПЛ жорий мавсумидаги голлари сонини 15 тага етказиб олган ҳолда тўпурарлар рўйхатида учинчи ўринга кўтарилиб олди. Ундан олдинда фақат Муҳаммад Салоҳ (20) ва Сон Ҳён Мин (17) бормоқда.
Изоҳ (0)