O‘zbekistonda aholining qaysi qatlamiga ko‘proq ipoteka krediti berilgani ma’lum bo‘ldi
Markaziy bank 2022-yilining dastlabki 3 oyida aholiga ajratilgan ipoteka kreditlari bo‘yicha ma’lumot berdi.
Ushbu kreditlarning 2,45 trln so‘mi yoki 87 foizi birlamchi uylar sotib olish uchun 15 557 nafar fuqaroga ajratilgan. Qolgan 368,3 mlrd so‘mi yoki 13 foizi ikkilamchi uylar sotib olish uchun 2 410 nafar fuqaroga ajratilgan.
Ipoteka kreditlari eng ko‘p Toshkent shahriga ajratilgan — 819,6 mln so‘m.
Kredit rasmiylashtirayotgan mijozlarning 59 foizini erkaklar, 41 foizini ayollar tashkil etgan.
Shuningdek, kredit oluvchilarning asosiy qismini (69 foizi) 31 dan 50 yoshgacha bo‘lgan iste’molchilar tashkil etadi.
Yil boshidan beri ipoteka kreditlarining moliyalashtirish manbalari:
- Moliya vazirligi — 2,27 trln so‘m;
- Bank o‘z mablag‘lari — 508,3 mlrd so‘m;
- Ipotekani qayta moliyalashtirish manbalari — 40,7 mlrd so‘m.
Avvalroq O‘zbekistonda “yangi tartib” doirasida ipoteka haqida asosiy ma’lumotlar berilgan edi.
