Insayderlar oldinroq iPhone 14 Pro yangi datchik bilan taqdim etilishi to‘g‘risida xabar bergandi, aftidan 2022-yilgi lineykada u paydo bo‘lmaydi. Periskopik teleobyektiv 2023-yilgi iPhone’larga o‘rnatilishi kutilmoqda, deb xabar beradi GizmoChina.
The Elec nashri ma’lumotlariga ko‘ra, Janubiy Koreyaning Jahwa Electronics kompaniyasi optik barqarorlashtirgich uzatmalarini ishlab chiqarish bo‘yicha yangi zavodni qurishga 155 million dollar sarflaydi. Ishlab chiqarish liniyasi Apple buyurtmalari uchun maxsus qurilmoqda va uzatmalardan uzoq fokusli obyektivlarda, smartfonlarda esa periskoplarda foydalaniladi.
Periskopik teleobyektiv smartfon obyektivida uzoq masofada fokusni ta’minlaydi. Bunday kameralarga datchikni linza ostiga bevosita joylashtirish o‘rniga prizma va maxsus akslantiruvchi ko‘zgu hamda yorug‘likni sensorga yo‘naltirishdan foydalaniladi. Suratga olish vaqtida datchik tasvirni 5 yoki 10 karra optik yaqinlashtirib, uning sifati yo‘qolmasligini ta’minlaydi.
Avvalroq internetda kuz oyida taqdim etilishi kutilayotgan iPhone 14 Pro smartfonining yangi rangdagi tasvirlari paydo bo‘lgandi. MyDrivers portalida e’lon qilingan renderlarda iPhone qurilmasi tilla (to‘q tusli) va qirmizi ranglarda namoyish etilgan.
Izoh (0)