O‘zbekistonda o‘quvchilar va talabalar uchun “Zakovat” stipendiyasini berish tartibi tasdiqlandi

O‘zbekistonda 2022/2023-o‘quv yilidan boshlab “Zakovat” intellektual o‘yini va boshqa intellektual o‘yinlarning respublika bosqichida g‘olib va sovrindor bo‘lgan jamoa a’zolari uchun yil davomida har oy “Zakovat” stipendiyasi beriladi. Bu haqda Oliy va o‘rta maxsus ta’lim vazirligi ma’lum qildi.

“Zakovat” stipendiyasi intellektual o‘yinlarning respublika bosqichida quyidagicha taqsimlanadi:

• 1-o‘rinni olgan o‘quvchi-yoshlar va talabalarga BHMning 5 baravari miqdorida (hozirda 1 million 350 ming so‘m);
• 2-o‘rinni olgan o‘quvchi-yoshlar va talabalarga BHMning 4 baravari miqdorida (hozirda 1 million 80 ming so‘m);
• 3-o‘rinni olgan o‘quvchi-yoshlar va talabalarga BHMning 3 baravari miqdorida (hozirda 810 ming so‘m) belgilanadi va yil davomida har oy to‘lab beriladi.