Rossiyaning Ukrainaga bostirib kirishi O‘zbekistonda iqtisodiy o‘sishni 2022-yilda 3,6 foizgacha sekinlashtiradi. Bu haqda “Daryo”ga taqdim etgan Jahon banki hisobotida aytilgan. Taqqoslash uchun, avvaldagi taxmin 6 foiz edi.
Rublning zaiflashishi va Rossiya iqtisodiyotining qulashi tufayli pul o‘tkazmalarining keskin qisqarishi, neft, bug‘doy va o‘simlik yog‘i narxining oshishi O‘zbekistonda aholi iste’molini keskin kamaytiradi.
Katta loyihalar Rossiya tomonidan moliyalashtirishgani tufayli mamlakatga investitsiyalar hajmi o‘sishining sekinlashadi.
O‘zbekiston oltin, mis va tabiiy gaz jahon narxlarining yuqoriligidan foyda ko‘rsa-da, pul o‘tkazmalarining qisqarishi joriy hisob taqchilligini yalpi ichki mahsulotning 10 foizigacha oshirishi taxmin qilinmoqda.
Rossiyadan xorijiy investitsiyalar qisqarishi, to‘g‘ridan-to‘g‘ri xorijiy investitsiyalar oqimi cheklanishi va tiklanish uchun vaqt kerak bo‘lishi kutilmoqda.
Natijada joriy hisobning katta taqchilligi yangi davlat qarzlari va zaxiralardan foydalanish hisobiga moliyalashtirilishi kutilmoqda.
Tovarlar eksporti va xususiylashtirishdan tushgan tushumlarning oshishi, shuningdek, davlat investitsiyalarining sekinlashishi pul o‘tkazmalariga qaram bo‘lgan uy xo‘jaliklarini qo‘llab-quvvatlash uchun ko‘proq ijtimoiy xarajatlarni qoplashi mumkin.
2022-yilda umumiy budjet taqchilligi yalpi ichki mahsulotning 4 foizigacha kamayishi kutilmoqda. Kutilayotgan fiskal konsolidatsiya endi kechiktirilishi mumkin.
Hukumat tashqi qarzlar bo‘yicha o‘z chegaralariga rioya qilishda davom etishi kutilmoqda va davlat qarzi 2022-23 yillarda yalpi ichki mahsulotning 42 foizini tashkil qilishi kutilmoqda.
Ushbu prognozlar Rossiyaga nisbatan sanksiyalarning amal qilish muddati, AQSH foiz stavkalaridagi o‘zgarishlarning potensial global moliyaviy oqibatlari, COVID-19 ning keyingi to‘lqinlari hamda savdo va logistika uzilishlarining O‘zbekistondagi ta’minot zanjirlariga ta’siriga qarab sezilarli darajada qayta ko‘rib chiqilishi mumkin.
Izoh (0)