Вазирлар Маҳкамаси ҳузуридаги Таълим сифатини назорат қилиш давлат инспекциясининг Сурхондарё вилояти бўлимига янги раҳбар тайинланди. Бу ҳақда вилоят ҳокими иштирокидаги ҳокимлик соатида маълум қилинди, дея хабар берди ҳокимлик ахборот хизмати.
Тўра Боболовнинг матбуот котибига кўра, мазкур лавозимга Пардаев Алишер Очилович муносиб кўрилиб, ҳокимлик соатида жамоатчиликка таништирилган.
Алишер Пардаев 1970 йил Бойсун туманида туғилган бўлиб, 1997 йил Термиз давлат университетини тамомлаган.
Меҳнат фаолияти давомида бошланғич синф ўқитувчилигидан Бойсун, Жарқўрғон тумани халқ таълими бўлими ҳамда вилоят халқ таълими бошқармаси бошлиғи лавозимларида ишлаган.
Тайинловга қадар у Ўзбекистон Халқ демократик партияси Сурхондарё вилояти кенгаши раиси лавозимида ишлаб келаётган бўлган.
Изоҳ (0)