Toshkentda marafon o‘tkazilishi munosabati bilan 2-aprel kuni ayrim ko‘chalar vaqtincha yopiladi

2-aprel kuni Toshkentning Olmazor tumanida “Ajdodlar matonati va jasorati — avlodlar uchun namunadir!” shiori ostida 5,3 ming metrga ommaviy yugurish marafoni o‘tkaziladi. Bu haqda poytaxt hokimligi matbuot xizmati xabar berdi.

Sport tadbiri soat 09:00 da Toshkent tibbiyot akademiyasidan boshlanadi va 11:00 gacha davom etadi. Finish nuqtasi Toshkent davlat texnika universiteti.

Marafon davrida Olmazor tumanidagi bir necha ko‘chalar vaqtincha yopiladi:

• H.Azimov ko‘chasidan Shifokorlar 1, 2, 3 ko‘chasigacha;
• Shifokorlar 1, 2, 3 ko‘chasidan Mirzo G‘olib ko‘chasigacha;
• Mirzo G‘olib ko‘chasidan Muxbir ko‘chasigacha;
• Muxbir ko‘chasidan Universitet ko‘chasigacha.

Eslatib o‘tamiz, 25—27-mart kunlari Toshkent shahrida “Toshkent xalqaro marafon tadbiri” o‘tkazilishi munosabati bilan bir qator ko‘chalarda transport vositalarining harakati vaqtincha cheklangandi.