2 апрель куни Тошкентнинг Олмазор туманида «Аждодлар матонати ва жасорати — авлодлар учун намунадир!» шиори остида 5,3 минг метрга оммавий югуриш марафони ўтказилади. Бу ҳақда пойтахт ҳокимлиги матбуот хизмати хабар берди.
Спорт тадбири соат 09:00 да Тошкент тиббиёт академиясидан бошланади ва 11:00 гача давом этади. Финиш нуқтаси Тошкент давлат техника университети.
Марафон даврида Олмазор туманидаги бир неча кўчалар вақтинча ёпилади:
- Ҳ.Азимов кўчасидан Шифокорлар 1, 2, 3 кўчасигача;
- Шифокорлар 1, 2, 3 кўчасидан Мирзо Ғолиб кўчасигача;
- Мирзо Ғолиб кўчасидан Мухбир кўчасигача;
- Мухбир кўчасидан Университет кўчасигача.
Эслатиб ўтамиз, 25—27 март кунлари Тошкент шаҳрида «Тошкент халқаро марафон тадбири» ўтказилиши муносабати билан бир қатор кўчаларда транспорт воситаларининг ҳаракати вақтинча чекланганди.
Изоҳ (0)