Qashqadaryo viloyatidagi bog‘chada bolalarga mog‘orlagan non berilgani aytilayotgani haqida xabar berilgandi. Viloyat Maktabgacha ta’lim boshqarmasi “Daryo” nashrida e’lon qilingan xabarga munosabat bildirdi.
Qayd etilishicha, 2-mart kunida viloyat MTB tomonidan Qamashi tumanidagi 15-davlat maktabgacha ta’lim tashkilotidagi qonun buzilishlari yuzasidan o‘rganish o‘tkazilgan. O‘rganish davomida qator kamchiliklar bilan birgalikda xo‘jalik mudiri tomonidan oziq-ovqat mahsulotlarini nomaqbul sharoitda saqlanayotganligi holati ham aniqlangan.
“Ammo postda keltirilganidek, bolalarga mog‘orlagan non berilmagan. Non mog‘orlaganligi holati oshpaz tomonidan aniqlangan va xo‘jalik mudiriga qaytarilgan”, — deyiladi xabarda.
Ishchi guruh ma’lumotnomasi Qamashi tuman prokuraturasiga 7-mart kunidagi 01-01/3-338 raqamli xat bilan huquqiy baho berish uchun yuborilgan. Shuningdek, boshqarma boshlig‘ining buyrug‘iga asosan Qamashi tumanidagi 15-davlat maktabgacha ta’lim tashkiloti direktoriga nisbatan intizomiy jazo qo‘llanilgan.
Mavzuga doir:
- Samarqanddagi yana bir xususiy bog‘chada bolaga jarohat yetkazilgani aytilmoqda. Tarbiyachi ishdan bo‘shagan
- Samarqandda xususiy bog‘cha tarbiyachisi bolalarni igna tiqib qo‘rqitib kelgani aytilmoqda (video)
- Farg‘onada bog‘cha bolalarini tinchlantirish uchun temir qoshiqdan foydalanib, 4 yoshli bolaning bir ko‘zidan ayrilishiga sababchi bo‘lgan tarbiyachiga sud hukmi o‘qildi
Izoh (0)