Кейинги мавсумдан бошлаб АПЛ клубларига бир ўйинда 5 та футболчи алмаштиришга рухсат берилади. Бу ҳақида АПЛ матбуот хизмати маълум қилди.
Премьер Лига жамоалари 2022/23 йилги мавсумдан бошлаб 5 та футболчи алмаштириш қоидасини қайтаришга келишиб олди. Энди ўйин давомида ва танаффусда 3 марта футболчиларни алмаштириш мумкин бўлади.
Шунингдек, клублар ёзги трансфер ойнаси муддатини аниқлаштириб олди. Унга кўра, трансфер бозори 10 июнда очилади ва 1 сентябрь куни ёпилади.
Бундан ташқари, АПЛда коронавирусга тест топшириш қоидаларига ҳам ўзгартириш киритилади. 4 апрелдан бошлаб футболчи ва ходимларнинг ҳафтасига икки марта топширадиган тестлари бекор бўлади ва фақат симптоматик тестларга ўтилади.
Премьер Лигада 5 футболчи алмаштириш қоидаси 2020 йил май ойида йўлга қўйилган эди. Аммо бир мавсумдан сўнг бекор қилинганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)