Yevropa mintaqasida JCh—2022 saralashi pley-offining final bahslari 29-mart, seshanba kuni o‘tkazildi.
Portugaliya Portuda Shimoliy Makedoniyani qabul qilib, 2:0 hisobida g‘alaba qozondi. Mezbonlarning har ikkala goliga ham Brunu Fernandesh mualliflik qildi. Gollarning birida unga Krishtianu Ronaldu assistent vazifasini o‘tab berdi.
Shu tariqa Portugaliya JCh—2022 yo‘llanmasini qo‘lga kiritdi. Jamoa pley-offning yarim finalida Turkiyadan ustun kelgandi. Shimoliy Makedoniya esa yarim finalda Italiyani mag‘lub etgan.
Polsha Robert Levandovski va Petr Zelinskining gollariga evaziga Shvetsiyani yengib, Qatar—2022 yo‘llanmasiga ega chiqdi. Shvetsiya va Zlatan Ibrahimovich mundialga bormaydigan bo‘ldi.
Yarim finalda Avstriyani mag‘lub etgan Uels hal qiluvchi o‘yinda Shotlandiya — Ukraina juftligi g‘olibi bilan bahs yuritadi. Mazkur yarim final o‘yini Ukrainadagi vaziyat tufayli iyun oyiga qoldirilgan.
JCh—2022 saralashi
Pley-off, final bahslari
29-mart, seshanba
Portugaliya – Shimoliy Makedoniya 2:0
Gollar: 1:0 – 32 Brunu Fernandesh, 2:0 – 65 Brunu Fernandesh.Portugaliya: Diogu Koshta, Joau Kanselu, Pepe, Danilu Pereyra, Mendesh, Moutinyu (Vitinya, 90), Brunu Fernandesh (Mateush Nunesh, 88), Bernardu Silva (Joau Feliks, 88), Otavio (Vilyam Karvalyu, 77), Ronaldu, Diogu Jota (Rafael Leau, 77).
Shimoliy Makedoniya: Dimitriyevski, Ristovski, Velkoski, Musliu, Alioski, Ademi, Bardi, Kostadinov (Ashkovski, 75), Elmaz (Nikolov, 87), Traykovski (Churlinov, 59), Ristovski (Miovski, 46).
Ogohlantirishlar: Joau Kanselu (68), Musliu (68), Alioski (74).
Polsha – Shvetsiya 2:0
Gollar: 1:0 – 49, penalti Levandovski, 2:0 – 72 Zelinski.Polsha: Shchensni, Glik, Bednarek, Bereshinski, Zelinski (Buksa, 89), Shimanski, Belik, Guralski (Krixovyak, 46), Moder, Kesh, Levandovski.
Shvetsiya: Olsen, Kraft, Danielsson (Ibrahimovich, 79), Lindelyof, Augustinsson, Kulusevski, Forsberg, Karlstrem (Svanberg, 67), Olsson (Karlsson, 80), Kvayson (Elanga, 66), Isak.
Ogohlantirishlar: Guralski (38), Moder (51), Levandovski (77), Belik (80), Isak (80), Kulusevski (90).
Izoh (0)