Afrika mintaqasida Jahon Chempionati—2022 saralash bosqichining pley-off o‘yinlari bo‘lib o‘tdi.
Senegal o‘z maydonida Misrni qabul qildi. Uchrashuvning asosiy vaqti 1:0 hisobida mezbonlarning g‘alabasi bilan yakunlandi. Dastlabki bahsda Misr 1:0 hisobida g‘alaba qozongandi. Shu sababli jamoalar qo‘shimcha daqiqalarga murojaat qildi. Ekstra-taymlarda hisob o‘zgarmadi va g‘olib nomi penaltilar seriyasida aniqlandi. Seriya Senegalning 3:1 hisobidagi g‘alabasi bilan yakunlandi.
Shu tariqa Sadio Mane boshchiligidagi Senegal Qatar—2022 yo‘llanmasiga ega chiqdi. Muhammad Saloh va Misr terma jamoasi esa mundialda ishtirok etmaydi.
Qayd etish kerak, Senegal fevral oyida o‘tkazilgan Afrika Millatlar Kubogi finalida ham penaltilar seriyasida Misrni mag‘lub etib, musobaqa g‘olibiga aylangandi.
Gana ikki o‘yin natijasiga ko‘ra Nigeriya to‘sig‘idan o‘tib, JCh yo‘llanmasini qo‘lga kiritdi.
JCh—2022 saralashi
Pley-off bahslari
29-mart, seshanba
Senegal – Misr 1:0
Gol: 1:0 – 4, avtogol Fathi.Penaltilar seriyasi — 3:1.
Senegal: Mendi, Sabali, Kulibali, Sisse, Siss, Sarr (Dyeng, 68), Guye (Sarr, 114), Mendi (Kuyate, 81), Mane, Sarr, Dia (Guye, 81).
Misr: ash-Shenavi, Rabia (Ashur, 36), Gaber (Ashraf, 29), al-Hanafi, al-Fotu, en-Nenni (Emad, 70), as-Sulayya, Fathi (ad-Din, 118), Trezege (Zizo, 70), Saloh, Marmush (Muhammad, 70).
Ogohlantirishlar: Rabia (34), Guye (37), Ashraf (45), Dyeng (70), al-Fotu (112), Muhammad (119), Emad (120).
Dastlabki o‘yin — 0:1.
Nigeriya – Gana 1:1
Gollar: 0:1 – 10 Parti, 1:1 – 22, penalti Trost-Ekong.Nigeriya: Uzoxo, Ayna, Balogun, Trost-Ekong, Bassi (Umar, 88), Etebo (Musa, 78), Aribo, Onyeka (Shexu, 46), Dennis (Igalo, 78), Osimhen, Lukman (Saymon, 61).
Gana: Uollakott, Odoi, Jiku, Amarti, Mensa, Parti, Baba (Yadom, 46), Kudus (Bukari, 73), Ayyu (Ovusu, 46), Afena-Gyan (Vridt, 90), Issaxaku (Kyere, 46).
Ogohlantirishlar: Amarti (25), Afena-Gyan (84), Parti (84), Shexu (89), Uollakott (90).
Dastlabki o‘yin — 0:0.
Izoh (0)