Европа минтақасида ЖЧ—2022 саралаши плей-оффининг финал баҳслари 29 март, сешанба куни ўтказилди.
Португалия Портуда Шимолий Македонияни қабул қилиб, 2:0 ҳисобида ғалаба қозонди. Мезбонларнинг ҳар иккала голига ҳам Бруну Фернандеш муаллифлик қилди. Голларнинг бирида унга Криштиану Роналду ассистент вазифасини ўтаб берди.
Шу тариқа Португалия ЖЧ—2022 йўлланмасини қўлга киритди. Жамоа плей-оффнинг ярим финалида Туркиядан устун келганди. Шимолий Македония эса ярим финалда Италияни мағлуб этган.
Польша Роберт Левандовски ва Петр Зелиньскининг голларига эвазига Швецияни енгиб, Қатар—2022 йўлланмасига эга чиқди. Швеция ва Златан Ибраҳимович мундиалга бормайдиган бўлди.
Ярим финалда Австрияни мағлуб этган Уэльс ҳал қилувчи ўйинда Шотландия — Украина жуфтлиги ғолиби билан баҳс юритади. Мазкур ярим финал ўйини Украинадаги вазият туфайли июнь ойига қолдирилган.
ЖЧ—2022 саралаши
Плей-офф, финал баҳслари
29 март, сешанба
Португалия – Шимолий Македония 2:0
Голлар: 1:0 – 32 Бруну Фернандеш, 2:0 – 65 Бруну Фернандеш.Португалия: Диогу Кошта, Жоау Канселу, Пепе, Данилу Перейра, Мендеш, Моутинью (Витиня, 90), Бруну Фернандеш (Матеуш Нунеш, 88), Бернарду Сильва (Жоау Феликс, 88), Отавио (Вильям Карвалью, 77), Роналду, Диогу Жота (Рафаэл Леау, 77).
Шимолий Македония: Димитриевски, Ристовски, Велкоски, Муслиу, Алиоски, Адеми, Барди, Костадинов (Ашковски, 75), Элмаз (Николов, 87), Трайковски (Чурлинов, 59), Ристовски (Миовски, 46).
Огоҳлантиришлар: Жоау Канселу (68), Муслиу (68), Алиоски (74).
Польша – Швеция 2:0
Голлар: 1:0 – 49, пенальти Левандовски, 2:0 – 72 Зелиньски.Польша: Шченсни, Глик, Беднарек, Берешински, Зелиньски (Букса, 89), Шимански, Белик, Гуралски (Криховяк, 46), Модер, Кеш, Левандовски.
Швеция: Ольсен, Крафт, Даниэлссон (Ибраҳимович, 79), Линдельоф, Аугустинссон, Кулусевски, Форсберг, Карлстрем (Сванберг, 67), Олссон (Карлссон, 80), Квайсон (Эланга, 66), Исак.
Огоҳлантиришлар: Гуралски (38), Модер (51), Левандовски (77), Белик (80), Исак (80), Кулусевски (90).
Изоҳ (0)