AOKAda 28-mart kuni o‘tkazilgan matbuot anjumanida “O‘zgidromet” mutasaddilari markaz tomonidan 2021-yilda amalga oshirilgan ishlar bo‘yicha ma’lumot berdi. Bu haqda Gidrometeorologiya markazi xabar qildi.
Qayd etilishicha, 2021-yilda iqlim o‘zgarishining salbiy ta’sirini kamaytirish va uning oqibatlarini yumshatishga yo‘naltirilgan Gidrometeorologiya ilmiy-tadqiqot instituti tomonidan 2,4 milliard so‘m bo‘lgan 3 ta loyiha moliyalashtirilgan.
Gidrometeorologiya xizmati markazi 2022-yil I chorak davomida hokimiyat va boshqaruv organlari, iqtisodiyot tarmoqlari hamda aholini rejaga muvofiq gidrometeorologik ma’lumotlar bilan o‘z vaqtida ta’minlagan. Chorak davomida haqiqiy va kutilayotgan ob-havo, respublikadagi suv resurslari va qishloq xo‘jaligi ekinlari holati haqida bildirgilar, sharhlar, ma’lumotnomalar tuzilgan va boshqaruv organlariga taqdim etilgan. Tog‘larda yog‘ingarchilik to‘planishi haqida ma’lumotnomalar tayyorlangan.
Natijada turli barvaqtlikdagi ob-havo prognozlari ishonchliligi qisqa muddatli meteorologik 94 foiz, o‘rta muddatli meteorologik 90 foiz, qisqa muddatli gidrologik 95 foiz, uzoq muddatli gidrologik 75 foizni tashkil etgan.
Izoh (0)