Farg‘onada ko‘p qavatli uydagi xonadonda qulflanib qolgan ikki yoshli qizaloq qutqarildi

Farg‘ona viloyatining Farg‘ona shahridagi ko‘p qavatli uylarning birida yashovchi fuqaroning yashash xonadoni eshigi qulflanib qolishi oqibatida ichkarida yolg‘iz qolgan ikki yoshli qizi qutqarildi. Bu haqda “Daryo”ga viloyat Favqulodda vaziyatlar boshqarmasi axborot xizmati xabar berdi.

Ma’lum bo‘lishicha, 2022-yilning 11-mart kuni soat 12:30 da Farg‘ona shahar Sohibqiron Temur ko‘chasi 61-uydagi xonadonlarning birida yashovchi fuqaro O.B. yashash xonadonining kirish eshigi qulflanib qolib, ikki yoshli farzandi ichkarida yolg‘iz qolgani haqida 1050 qisqa raqami orqali murojaat qilib, yordam so‘ragan.

Favqulodda vaziyatlar boshqarmasi maxsus vazifalarni bajaruvchi mintaqaviy qutqaruv otryadi xodimlari aytilgan manzilga soat 12:41 da yetib borgan va maxsus moslamalar yordamida xonadonning temir eshigini ochib, fuqaroga amaliy yordam ko‘rsatgan. Uy ichida qolgan ikki yoshli qizaloq sog‘-salomat onasining qo‘liga topshirilgan. Mavzuga doir: 

• Farg‘onada uyda qulflanib qolgan ikki nafar bola qutqarildi
• Angrenda soy o‘zanida qolib ketgan fuqaro qutqarildi
• Kuchli shamol Samarqand, Nukus va Qarshidagi uylar tomini uchirib yubordi (foto)