Huawei Smart Office mahsulotlari Barselonada bo‘lib o‘tgan Butunjahon mobil kongressi (MWC Barcelona 2022 — Mobile World Congress) da 32 ta xalqaro mukofotga loyiq topildi. Taqdim qilingan qurilmalar orasida flagman leptop, brendning ilk printeri va elektron siyohli (e-ink) planshet kabilar bor.
Butunjahon mobil kongressi telekommunikatsiya va IT sohasidagi eng yirik tadbirlardan biri bo‘lib, unda mobil operatorlar, ishlab chiqaruvchi, dasturchi, ta’minotchi va kontent yaratuvchilar o‘z mahsulotlarini namoyish etadi. 2022-yil 28-fevralda boshlangan ko‘rgazmada 200 dan ortiq mamlakatdan yetakchi brendlarning 61 mingdan ziyod qatnashchisi ishtirok etdi.
Bu yilgi kongress minbarida Huawei kompaniyasi Smart Office konsepsiyasi doirasida bir necha innovatsion yechimlarni taqdim etdi. Brendning lazerli printer, nusxalash moslamasi va skanerni yagona tugmasiz korpusga birlashtirgan ilk ko‘p funksional qurilmasi — PixLab X1 “Eng zo‘r ofis periferali” mukofoti bilan taqdirlandi. Flagman toifadagi Matebook E va Matebook X Pro leptoplari auditoriya tomonidan juda yuqori baholanib, Make Use Of, Android Authority, Android Headlines va boshqa mukofotlar bilan taqdirlandi.
Matebook E — yengil vaznli, ish uchun mo‘ljallangan ikkitasi birda Windows 11 plansheti bo‘lib, Intel Core i5 va i7 protsessorlari bilan jihozlangan va tashqi klaviatura bilan leptop shaklini oladi.
Uning “akasi” Matebook X Pro esa brending ta’kidlashicha, Huawei leptopiga o‘rnatilgan eng zo‘r ekran bilan jihozlangan. Ushbu IPS LCD displeyi 3120x2080 piksel aniqligiga ega.
Bundan tashqari, kongressda planshet va elektron kitob imkoniyatlarini o‘zida jamlagan MatePad Paper qurilmasi ham namoyish qilindi. Planshet 10,3 dyuymli yaltiramas sensorli e-Ink ekrani bilan jihozlangan va kulrang tusning 256 turini ko‘rsata oladi, matn, tasvir va videolarni namoyish qila oladi. Planshet bir necha mukofotlar, jumladan, Trusted Reviews Best in Show, Newsweek va The Big TechQuestion mukofotlariga loyiq ko‘rildi.
Huawei ofis innovatsiyalari qatorida MateStation X monitori va Sound Joy portativ simsiz karnaylarini ham taqdim etdi. Innovatsion qurilmalar uchun qo‘lga kiritilgan mukofotlar bilan bir qatorda, Huawei o‘zining Super Device texnologiyasi bilan ommani lol qoldirdi. Bu noyob yechim bo‘lib, namoyish qilingan barcha qurilmalarni o‘zaro bog‘laydi. Planshet, leptop, ofis kompyuteri, smartfon va aksessuarlar — hammasi yuqori funksionallik va yangi imkoniyatlarni taqdim etgan holda bir-biri bilan erkin ulana oladi.
Brendning global muvaffaqiyatiga izoh bergani holda, Huawei Device Qozog‘iston va Markaziy Osiyo direktori Fan Sizinyun shunday deydi: “Huawei o‘z ekotizimini yaratish yo‘lida ildamlamoqda, qurilmalar ko‘lami esa mudom kengayib bormoqda. Ikki yillik pandemiya davrida butun dunyo bo‘ylab odamlar ofisda ishlagandek qulay ravishda uydan turib ishlashga moslashdi. Shu boisdan ham, brend yaqinda Smart Office falsafasiga ega qurilmalar ko‘lamini taqdim etdi. Bu bir-biri bilan o‘zaro bog‘lanuvchi qurilmalar — leptop, planshet, printer va hokazolar ‘oilasi’ bo‘lib, ish jarayoningizni istalgan qulay joyda, ofisda ishlashga hojat qoldirmagan holda, tashkillashtirishga yordam beradi. Bunda faqat hamkasblar bilan muloqot qilish zavqli”.
Eslatib o‘tamiz, tez orada O‘zbekistonda flagman korpusli va Intel Core i5 protsessorli Matebook D seriyasi sotuvga chiqariladi. Shuningdek, Nova 9 texnologik smartfoni — “zoomerlar” avlodi va videokontent yaratuvchilarga qaratilgan qurilma.
Huawei Consumer Business Group haqida
Huawei mahsulotlari va xizmatlari 170 dan ortiq mamlakatlarda mavjud va ulardan dunyo aholisining uchdan bir qismi foydalanadi. Kompaniya AQSh, Germaniya, Shvetsiya, Rossiya, Hindiston va Xitoy kabi mamlakatlarda 14 ta tadqiqot va ishlanma markazlarini ochgan. Huawei Consumer BG smartfonlar, noutbuklar va planshetlar, taqiladigan qurilmalar, keng polosali mobil qurilmalar, uy yechimlari va bulutli xizmatlarni ishlab chiqadigan va ishlab chiqaradigan uchta Huawei biznes bo‘linmalaridan biridir. Huawei global tarmog‘ining afzalliklari, butun dunyo bo‘ylab operatsiyalar hajmi va rivojlangan hamkorlar tarmog‘i telekommunikatsiya sohasidagi 30 yillik tajriba asosida qurilgan.
Reklama huquqi asosida.
Izoh (0)