Kiyevdagi savdo markaziga raketa tashlandi. Rossiya kemalari dengizdan Odessaga o‘t ochdi. Taslim bo‘lmagan ukrainaliklar hatto tug‘ilgan kun nishonlamoqda. Urushning 26-kunidan fotoreportaj
Ukrainadagi urush yigirma olti kundan beri davom etmoqda. Rossiya armiyasi Kiyevni hamon o‘qqa tutmoqda — 21-mart kuni poytaxtning Podolskiy tumanidagi savdo markaziga zarbalar berildi. Rossiya Mudofaa vazirligining da’vo qilishicha, markaz ishlamayotgan edi va u yerda o‘q-dorilar saqlangan. Ukraina bosh prokurori savdo markazining o‘qqa tutilishi oqibatida sakkiz kishi halok bo‘lganini ma’lum qildi. Xarkovda rus harbiylari shaharni o‘qqa tutayotgan paytda nemis konslagerlaridan omon qolgan 96 yoshli Boris Romanchenko halok bo‘ldi. Xersonda Rossiya bosqiniga qarshi norozilik namoyishi vaqtida shovqinli granatalar tashlandi. Odessa mahalliy hokimiyati ma’lumotlariga ko‘ra, shaharga tunda Rossiya kemalari tomonidan o‘t ochilgan. Meduza 21-mart, urushning yigirma oltinchi kunidan asosiy fotosuratlarini jamladi.
Ukraina hududiy mudofaasi askarlari Kiyevdagi turar joy binosi yonidan uchib o‘tayotgan dronni nishonga olishga urinmoqda.Foto: AFP
O‘t o‘chiruvchilar Kiyevning Podolskiy tumanidagi “Retrovil” savdo markazini qamrab olgan yong‘inni to‘xtatishga harakat qilmoqda. Markazga rus qo‘shinlari tomonidan zarba berilgan — buni Rossiya Mudofaa vazirligi tan olgan.Foto: AP Photo
Savdo markazi raketa hujumidan keyin shunday ko‘rinishga keldi. Rossiya Mudofaa vazirligining ta’kidlashicha, markaz ishlamayotgan edi, u yerda o‘q-dorilar saqlanganFoto: EPA
Savdo markaziga qilingan raketa hujumi oqibatida halok bo‘lgan ukrainalik askarlarning jasadlari. Ukraina bosh prokuroriga ko‘ra, sakkiz kishi halok bo‘lganFoto: AFP
Ko‘ngillilar Ukraina g‘arbida joylashgan Drogobich shahridagi teatr hovlisida gulxanda ovqat pishirmoqda. Ushbu teatrda mamlakatning turli burchaklaridan kelgan artistlar to‘plangan — lekin san’at uchun emas, Ukraina armiyasi askarlariga ovqat pishirish uchun.Foto: AP Photo
Urush boshlanishi bilan bomba boshpanasiga aylangan Kiyev san’at studiyasida tug‘ilgan kun kechasi. Studiya podvalda joylashgan bo‘lib, uni artistlar Ukrainaga rus qo‘shinlari bostirib kirishidan avval ta’mirlagan va o‘z ehtiyojlariga moslashtirgan edi. Hozir ular ushbu studiyada yashab, ko‘ngilli ravishda Ukraina armiyasiga yordam bermoqda.Foto: EPA
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)