Prezident Jo Bayden Yevropada AQSHning biologik qurollari mavjudligi to‘g‘risidagi taxminlarni rad etdi. Bu haqda u biznes vakillari bilan uchrashuvda ma’lum qilgan.
“Amerikaning biologik, shuningdek, Yevropada kimyoviy qurollari borligi to‘g‘risidagi bayonotlar haqiqatga to‘g‘ri kelmaydi. Men bunga kafolat beraman”, — deydi Bayden.
6-mart kuni Rossiya Mudofaa vazirligi Ukrainada biologik qurol komponentlari yaratilayotgani aytilgan hujjatlarni e’lon qilgandi. Idora rasmiy vakili general-mayor Igor Konashenkovning so‘zlariga ko‘ra, shundan so‘ng “Ukraina Sog‘liqni saqlash vazirligi barcha biolaboratoriyalarga xavfli patogenlar saqlanadigan zaxiralarini zudlik bilan yo‘q qilish bo‘yicha ko‘rsatma yuborgan”.
16-mart kuni Rossiya prezidenti Vladimir Putin Ukrainada bevosita Rossiya chegarasi yaqinida biologik qurol komponentlari yaratilganini ma’lum qildi. Uning so‘zlariga ko‘ra, Pentagon rahbarligi va moliyaviy ko‘magida o‘nlab laboratoriyalar tarmog‘i “harbiy-biologik dasturlar, jumladan, koronavirus, Sibir kuydirgisi, Afrika cho‘chqa o‘lati va boshqa halokatli kasalliklar namunalari bilan tajribalar o‘tkazgan”.
AQSH davlat kotibi o‘rinbosari Viktoriya Nuland Senatdagi eshituvda Ukrainada biologik tadqiqot obyektlari bo‘lganini tasdiqlagan. U mazkur tadqiqotlar haqida hech qanday batafsil ma’lumotlarni keltirmagan. Pentagon va Oq uy esa bu ma’lumotlarni rad etgan. BMT Ukrainada ishlagan JSST xodimlarining bunday tadqiqotlardan xabari yo‘qligini ma’lum qilgan.
Izoh (0)