Samarqand shahridagi Golden kids xususiy bog‘chasida tarbiyachi bolalarni uxlatish va gapini o‘tkazish uchun ularga igna tiqib qo‘rqitib kelgani haqida xabar berilgandi. Samarqand viloyati Ichki ishlar boshqarmasi holat bo‘yicha qo‘shimcha ma’lumot berdi.
Qayd etilishicha, holat yuzasidan shahar Ichki ishlar organlari faoliyatini muvofiqlashtirish boshqarmasi xodimlari tomonidan tergovga qadar tekshiruv harakatlari o‘tkazilgan. Natijada ushbu holatni bog‘chada tarbiyachi bo‘lib ishlovchi Past Darg‘om tumani “Chortut” mahallasida yashovchi fuqaro (1992-yilda tug‘ilgan) sodir etgani aniqlangan.
Holat yuzasidan Jinoyat kodeksining 110-moddasi 2-qismi “a, v” (voyaga yetmagan, ojiz ahvoldaligi aybdorga ayon bo‘lgan shaxsni qiynash) bandlari bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
- Samarqanddagi bog‘chada tarbiyachilarning e’tiborsizligi sabab 4 yashar bola kaltaklandi
- Farg‘onada bog‘cha bolalarini tinchlantirish uchun temir qoshiqdan foydalanib, 4 yoshli bolaning bir ko‘zidan ayrilishiga sababchi bo‘lgan tarbiyachiga sud hukmi o‘qildi
- Namanganda bog‘chada tanasining 70 foizi qaynoq suvdan kuygan bola vafot etdi. Hodisa ro‘y berganidan ikki oy o‘tib jinoyat ishi qo‘zg‘atildi
Izoh (0)