Namangan viloyatining Norin tumanidagi Haqqulobod shahri markazida ulkan davlat bayrog‘i o‘rnatildi. Bu haqda “Daryo” muxbiri Azizbek Abduvaliyev xabar bermoqda.
Tuman hokimligiga tutash maydonda balandligi 40 metr bo‘lgan bayroq qad rostladi. Bayroqning o‘lchami 10 ga 5 metrni tashkil etadi.
Qayd etish joizki, bu Norin tumanidagi ilk ulkan davlat bayrog‘i emas. Norin tumani ichki ishlar bo‘limida 2018-yil 18-noyabr kuni, ya’ni davlat bayrog‘i qabul qilingan sanada balandligi 35 metr bo‘lgan bayroq o‘rnatilgandi.
Ma’lumot uchun, viloyatdagi eng baland davlat bayrog‘i 2019-yilda Namangan shahrida joylashgan “Afsonalar vodiysi” bog‘ining 65 metr balandlikdagi “Megadron” attraksioni ustiga o‘rnatilgan. Bayroqning balandligi 11 metr. Ustun vazifasini bajaruvchi attraksion bilan qo‘shib hisoblaganda jami 76 metrni tashkil etadi.
Mavzuga doir: Toshkentdan so‘ng Namanganda ham ulkan bayroq o‘rnatildi
Izoh (0)