Наманган вилоятининг Норин туманидаги Ҳаққулобод шаҳри марказида улкан давлат байроғи ўрнатилди. Бу ҳақда «Дарё» мухбири Азизбек Абдувалиев хабар бермоқда.
Туман ҳокимлигига туташ майдонда баландлиги 40 метр бўлган байроқ қад ростлади. Байроқнинг ўлчами 10 га 5 метрни ташкил этади.
Қайд этиш жоизки, бу Норин туманидаги илк улкан давлат байроғи эмас. Норин тумани ички ишлар бўлимида 2018 йил 18 ноябрь куни, яъни давлат байроғи қабул қилинган санада баландлиги 35 метр бўлган байроқ ўрнатилганди.
Маълумот учун, вилоятдаги энг баланд давлат байроғи 2019 йилда Наманган шаҳрида жойлашган «Афсоналар водийси» боғининг 65 метр баландликдаги «Мегадрон» аттракциони устига ўрнатилган. Байроқнинг баландлиги 11 метр. Устун вазифасини бажарувчи аттракцион билан қўшиб ҳисоблаганда жами 76 метрни ташкил этади.
Мавзуга доир: Тошкентдан сўнг Наманганда ҳам улкан байроқ ўрнатилди
Изоҳ (0)