O‘zbekiston fuqarolari va chet ellik sayyohlarning chegaralarni kesib o‘tishning amaldagi tartibiga qo‘shimchalar kiritilmoqda, deya xabar qilmoqda Turizm va ma’daniy meros vazirligi.
Qayd etilishicha, endi:
- 72 soat ichida PZR-testini topshirish muddati arizachiga PZR-testining manfiy natijalari berilgan sana va vaqtdan boshlab hisoblanadi (qog‘oz, elektron, QR-kod). Yo‘lovchida koronavirus infeksiyasi yo‘qligi to‘g‘risidagi ma’lumotnoma O‘zbekiston chegarasini kesib o‘tish vaqtiga muvofiq bo‘lishi kerak;
- agar yo‘lovchida PZR-testi o‘tkazilmagan bo‘lsa, O‘zbekiston chegarasini kesib o‘tayotgan shaxs koronavirus infeksiyasi mavjudligi/yo‘qligi uchun ekspress testlardan o‘tadi;
- 12 yoshgacha bo‘lgan bolalarni chegaradan olib kirishda pasport/emlash sertifikatlarini taqdim etish, shu jumladan PZR-testini taqdim etish talab qilinmaydi va ular chegaralarni kesib o‘tishda ekspress testlardan o‘tmaydi;
- barcha pasportlar/emlash sertifikatlari O‘zbekiston chegaralarini kesib o‘tishda xorijiy davlatlarning rasmiy organlari tomonidan tan olinadi.
“O‘zbekiston qonunchiligida koronavirus infeksiyasi bilan bog‘liq barcha shaxslarning chet elga chiqishi, shu jumladan, ketish uchun PZR-testini topshirish bo‘yicha hech qanday cheklovlar yo‘q. Ammo, agar jo‘nab ketayotgan davlatning qonunchiligi va sanitariya qoidalariga ko‘ra yo‘lovchilarga qo‘yiladigan talablar mavjud bo‘lsa, O‘zbekistonda koronavirus infeksiyasiga qarshi testlardan o‘tish va emlash uchun barcha imkoniyatlar mavjud”, – deyiladi xabarda.
Mavzuga doir:
Izoh (0)