Shavkat Mirziyoyev 16-mart kuni Davlat soliq qo‘mitasiga tashrif buyurib, soliq ma’murchiligini isloh qilish va sohaga axborot texnologiyalarini keng joriy etish masalalari yuzasidan yig‘ilish o‘tkazgandi. Unda prezident soliqchilarni IT sohada bilim orttirishi muhim ekanini ta’kidlab o‘tdi. Bu haqda “O‘zbekiston 24” telekanalida efirga uzatilgan “Menimcha” ko‘rsatuvida ma’lum qilindi.
“Yangi IT dasturlarni ishlatish bo‘yicha har yili eng kamida 200 nafar soliqchilarni o‘qitishni yo‘lga qo‘yishimiz kerak. Bu respublika bo‘yicha, shuning uchun faqat Toshkentda emas, har bir viloyatda tashkil etish bo‘yicha taklif beringlar.
Zamonga munosib bo‘ladigan, iqtisodchi emas IT texnologiyani bilgan odamlar ishlaydi. Baribir shunga kelamiz. Lekin biz bunga tayyorgarlik qilishimiz kerak. Xafa bo‘lmanglar, tadbirkorlar sizlardan 10 karra ilgarilab ketyapti. Sizlar ancha orqada qolib ketyapsizlar. Men buni aytmasam kim sizlarga aytadi”, – deydi davlat rahbari.
Bugungi davrda har bir kishi islohotlar, o‘zgarishlar tomoshabini emas, balki bevosita jarayon ishtirokchisiga aylanishi kerak. Shavkat Mirziyoyev soliq xodimlaridan tizimni takomillashtirish bo‘yicha tashabbuslar va yangiliklar kutishini ta’kidladi.
“Hozircha bizda hech kimda tahlil yo‘q. Hamma narsani bir xil bajaramiz. Menga unday bajarish kerak emas. Manga adolatli bajarish kerak, insofli bajarish kerak. Men endi-endi shu besh yilda tadbirkorlarni oyoqqa qo‘yyapman, ularni sindirishga hech kimga hech qachon ruxsat bermayman”, – deydi prezident.
Mavzuga doir:
- “Hozirgi soliqchilar ikki, uch yoki to‘rt yil avvalgi soliqchilar emas” — Shavkat Mirziyoyev
- “Endi har oyda tumanlardagi soliq sohasi vakillari OAV va blogerlar ishtirokida matbuot anjumani qilib, oqni oq, qorani qora deydi” — Shavkat Mirziyoyev
- Shavkat Mirziyoyev DSQning Ma’lumotlarni qayta ishlash markazini borib ko‘rdi
Izoh (0)