Hindiston dengizga chiqish imkoni bo‘lmagan O‘zbekistonga birinchi marta Pokiston va Afg‘oniston orqali tijorat tovarlarini eksport qildi.
140 tonna yukka ega bo‘lgan, asosan, hind shakarini olib ketayotgan yuk mashinalari 16-mart kuni Kobuldan O‘zbekiston poytaxti Toshkentga jo‘nab ketdi, deb xabar qiladi “Tolibon” sanoat va savdo vazirligi matbuot kotibi.
Tijoriy yuk Hindistonning Mumbay shahridan yo‘lga chiqqan va shu oy boshida Pokistonning Karachi dengiz porti orqali o‘tib, Pokiston va O‘zbekiston o‘rtasida yaqinda imzolangan ikki tomonlama tranzit savdo bitimiga ko‘ra O‘zbekistonga yetkazilgan.
O‘zbekiston prezidenti Shavkat Mirziyoyev mart oyi boshida Pokiston poytaxti Islomobodga ikki kunlik rasmiy tashrifi chog‘ida bir qator kelishuvlarni imzolagan edi.
Pokiston tomonining ta’kidlashicha, O‘zbekistonga yo‘l olgan Hindiston tijoriy jo‘natmalari kelishuv bo‘yicha xususiy uyushtirilgan faoliyat bo‘lib, to‘rtta davlatning hech birida hukumat ishtiroki yo‘q.
Endi bu muntazam faoliyatga aylanishi va O‘zbekiston Pokiston dengiz portlari orqali istalgan joydan tovarlarni olib kirishi mumkin bo‘lishi aytilmoqda.
Rasmiylar tomonidan “Tolibon” hukumati savdo faoliyatini osonlashtirishi shartligi, chunki O‘zbekiston ham dengizga chiqish imkoni bo‘lmagan Afg‘oniston kabi xalqaro savdoni amalga oshirish uchun Pokiston portlariga kirish huquqiga ega ekanligi ta’kidlanmoqda.
Avvalroq Pokiston O‘zbekistonga mol go‘shti yetkazib berishni boshlagani haqida xabar berilgan edi.
Izoh (0)