Ўзбекистон ҳудудига 18 март куни Россиянинг Европа қисмидан совуқ ҳаво массаси кириб келди, республика ҳудудининг катта қисмида беқарор об-ҳаво сақланиб туради, деб хабар бермоқда «Ўзгидромет».
Қайд этилишича, Тошкент, Самарқанд, Жиззах, Сирдарё, Қашқадарё, Сурхондарё вилоятларида куннинг биринчи ярмида вақти-вақти билан ёғингарчилик (ёмғир, қор), Фарғона водийси вилоятларида ёғингарчилик кучли бўлади. Қорақалпоғистонда, Хоразм, Бухоро, Навоий вилоятларида ёғингарчилик кутилмайди. Республика бўйича баъзи жойларда шамол тезлиги 15-20 метр/секундгача, Сурхондарё, Андижон, Наманган, Фарғона вилоятларида 22-27 метр/секундгача кучайиши мумкин. Ҳаво ҳарорати кундуз куни 4-7 даража илиқдан ошмайди.
19 март, шанба куни фақат Фарғона водийси вилоятларида, шунингдек, республиканинг тоғолди ва тоғли ҳудудларида бироз ёғингарчилик (асосан қор кўринишида) сақланиб туради. Ҳаво ҳарорати кечаси 2 даража совуқ-3 даража илиққача пасаяди, кундузи 5-10 даража илиқни ташкил этади.
Якшанба куни республиканинг катта қисмида қуруқ ва ўртача илиқ об-ҳаво кузатилади, фақат Қорақалпоғистоннинг шимолида баъзи жойларда бироз қор кузатилади. Ҳаво ҳарорати кечаси 2 даража совуқ-3 даража илиқни, кундузи 7-12 даража илиқни ташкил этади.
18—19 март кунлари республиканинг тоғолди ва тоғли ҳудудларида сел келиши хавфи бор. Шунингдек, республиканинг тоғли ҳудудларида қор кўчиши хавфи бор.
Мавзуга доир:
- Кучли ёғингарчилик даврида булутларга таъсир кўрсатилса, яна ҳам кўп ёмғир ёғиб, катта талафотлар рўй бериши мумкин — «Ўзгидромет»
- Ўзбекистонда кузатилаётган ноқулай об-ҳаво шароитида мевали дарахтларни ҳимоя қилиш бўйича тавсиялар эълон қилинди
- Ўзбекистонда баҳорги совуқлар даврида қишлоқ хўжалиги маҳсулотлари етиштирувчиларни қўллаб-қувватлаш учун тезкор гуруҳлар ташкил этилди
- Тошкентда деярли 2 ойлик ёғингарчилик миқдоридаги ёмғир ёғди — «Ўзгидромет»
Изоҳ (0)