17—20-mart kunlari O‘zbekiston hududida keskin sovuq tushishi, havo harorati kechasi 7-10 daraja sovuq, kunduzi 3-8 daraja iliq bo‘lishi kutilmoqda. Qishloq xo‘jaligi vazirligining ma’lum qilishicha, mevali bog‘ va tokzorlar, ertaki kartoshka va sabzavot ekinlariga havo harorati salbiy ta’sirining oldini olish maqsadida butun respublika miqyosida agrarchilarga yordam berish bo‘yicha tezkor guruhlar tashkil etildi.
Tezkor guruhlar soha olimlari bilan birgalikda respublika hududiga kirib kelgan sovuq ob-havo ta’siridan joylardagi mevali bog‘, uzumzorlar va “to‘qsonbosti” usulida hamda ertaki maydonlarga ekilgan qishloq xo‘jaligi ekinlarini asrash bo‘yicha ilmiy asoslangan tavsiyalar ishlab chiqib, ularni joriy etmoqda.
Ta’kidlanishicha, respublika shtabiga qishloq xo‘jaligi vaziri Jamshid Xodjayev boshchilik qilmoqda, hududiy shtablarni esa Qoraqalpog‘iston Respublikasi Vazirlar kengashi raisi hamda viloyatlar va Toshkent shahar hokimlari boshqarmoqda.
Respublika monitoring shtabi aloqa markazi telefon raqamlari: +998 (71) 206-71-69; +998 (71) 206-71-70; +998 (71) 206-71-72. Elektron manzil: meva@agro.uz
Hududiy shtablar:
- Qoraqalpog‘iston Respublikasi — (+998) 90-705-05-12;
- Andijon viloyati — (+998) 97-339-44-43;
- Buxoro viloyati — (+998) 91-443-07-31;
- Jizzax viloyati — (+998) 94-919-19-29;
- Qashqadaryo viloyati — (+998) 98-776-01-09;
- Navoiy viloyati — (+998) 91-333-74-76;
- Namangan viloyati — (+998) 99-971-02-09;
- Samarqand viloyati — (+998) 94-445-65-85;
- Sirdaryo viloyati — (+998) 97 777-31-11;
- Surxondaryo viloyati — (+998) 97-352-74-74;
- Toshkent viloyati va Toshkent shahri — (+998) 93-375-22-00;
- Farg‘ona viloyati — (+998) 91-112-71-00;
- Xorazm viloyati — (+998) 90-719-62-78.
Mavzuga doir: O‘zbekistonda kuzatilayotgan tinimsiz yog‘ingarchilik qishloq xo‘jaligi ekinlariga qanday ta’sir qiladi?
Izoh (0)