Andijon shahrida muqaddam firibgarlik jinoyati uchun sudlangan ayol yana mashina olib berishni va’da qilib, pul olgani aniqlandi, deb xabar bermoqda Tergov departamenti.
Qayd etilishicha, 2021-yil iyul oyida X.O. (47 yoshli) o‘zganing mulkini firibgarlik yo‘li bilan qo‘lga kiritish maqsadida Andijon shahar Qo‘shariq dahasida yashovchi A.I.ni (ayol, 42 yoshli) ishonchiga kirgan. Uni aldab, zavoddan chiqayotgan Nexia-3 avtomashinasidan olib berishini aytib, jami 18 million 600 ming so‘m pullarni olgan. Bergan va’dasini bajarmasdan, pullarni o‘zining shaxsiy ehtiyojlari uchun sarflab yuborgan.
Holat yuzasidan X.O.ga nisbatan Jinoyat kodeksning 168-moddasi 3-qismi “a” bandi (ko‘p miqdorda firibgarlik) bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga doir:
- Qoraqalpog‘istonda fuqaroga baliq yetishtirishga mo‘ljallangan ko‘l va 200 gektar yerni rasmiylashtirib bermoqchi bo‘lgan shaxs ushlandi
- Farg‘onada Koreyaga ishga yuborishni va’da qilib, 2500 dollar olgan shaxsga jinoyat ishi qo‘zg‘atildi
- Farg‘onada fuqaroga 1 mlrd so‘m kredit olib berish uchun 30 mln so‘m so‘ragan bank mutaxassisi ushlandi
Izoh (0)