Toshkent viloyati Zangiota tumanida imtiyozli kreditni boshqa maqsadlariga ishlatib, talon-toroj qilib yuborgan ikkita MChJ rahbarlari aniqlandi, deb xabar beradi Bosh prokuratura huzuridagi departament.
Ma’lum qilinishicha, departamentning Zangiota tuman bo‘limi tomonidan tergovga qadar tekshiruv o‘tkazilgan. Tekshiruvda “S.” va “L.C.” MChJ rahbarlari o‘zaro til biriktirib, tumandagi bank filialidan yengil tipdagi zamonaviy issiqxona qurish maqsadida 5,9 milliard so‘m imtiyozli kredit ajratilishiga erishgani aniqlangan. Ular mablag‘ning 1,2 milliard so‘mini bank birjasi orqali 129,4 ming dollarga ayirboshlagan, shuningdek, 3,8 milliard so‘mga jiyani N.ning nomiga Qibray tumanida yangi uy-joy qurib, jinoiy faoliyatdan olingan daromadini legallashtirgan.
Bundan tashqari, bank xodimlari ajratilgan kredit mablag‘ini monitoringdan o‘tkazmagani ma’lum bo‘lgan.
Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish), 207-moddasi (mansabga sovuqqonlik bilan qarash) va 243-moddasi (jinoiy faoliyatdan olingan daromadlarni legallashtirish) bilan jinoyat ishi qo‘zg‘atilib, tergov harakatlari o‘tkazilmoqda.
Avvalroq Toshkentda o‘zi ishlaydigan korxonaning 160 mln so‘mdan ortiq mablag‘ini talon-toroj qilgan bosh hisobchi ushlangani, Sirdaryo va Surxondaryoda jami 4 mlrd so‘m kredit mablag‘larini talon-toroj qilgan rahbarlar qo‘lga olingani to‘g‘risida xabar berilgandi.
Mavzuga doir:
- Buxoroda garovdagi qariyb 800 mln so‘mlik mulklarni sotib yuborgan korxona rahbari va sobiq bank xodimi ushlandi
- Toshkent viloyatida akasining nomiga korxona ochib, 754 mln so‘m kredit mablag‘ini o‘zlashtirgan bank bosh hisobchisi ushlandi
- Qashqadaryoda 1,1 mlrd so‘m kredit mablag‘ini o‘zlashtirgan shaxslar aniqlandi
Izoh (0)