Тошкент шаҳрида 20 ёшли фуқарони пул эвазига футбол клубининг биринчи лигасига ўтказишни ваъда қилиб, уни чув туширган шахсга жиноят иши қўзғатилди. Бу ҳақда пойтахт ИИББ ахборот хизмати хабар берди.
Чилонзор тумани ИИО ФМБга келиб тушган хабарга кўра, 2021 йилнинг июнь ойида 51 ёшли Т.К. 20 ёшли Д.П.га футбол клубининг иккинчи лигасидан биринчи лигага ўтказишни ваъда қилган. Фуқаро Т.К. «хизматлари» учун 950 доллар олиб, ваъдасини бажармаган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилган. Тергов ҳаракатлари давом этмоқда.
Эслатиб ўтамиз, 2019 йилда Тошкентда ўғлини Испания футбол академиясига ўқишга жўнатиш истагидаги аёл 35 миллион сўмга чув тушганди.
Изоҳ (0)