Toshkentdagi hovli MIB tomonidan 17 mlrd so‘mga auksionga qo‘yildi

Toshkent shahar Mirobod tumanidagi hovli kimoshdi savdosiga qo‘yildi. Lot ma’lumotlari “E-auksion” portalida e’lon qilingan.

Lot auksionga harbiy sud hukmi bilan MIB bo‘limi tomonidan joylashtirilgan. 2016-yilda qurilgan hovlining maydoni 1 021,34 kvadrat metr. Umumiy maydon — 0,17 gektar.  Hovlida gaz, elektr ta’minoti va kanalizatsiya mavjud. Suv ta’minoti esa mavjud emas. 2006—2015-yillarda qurilgan hovli 2 qavat va 8 xonadan iborat.

Bundan tashqari 80 kvadrat metr maydon kadastr hujjatiga kiritilmasdan qo‘shib olingan. Auksionga qo‘yilgan hovlining boshlang‘ich bahosi — 17,3 mlrd so‘m. Arizalar 7-mart 09:00 ga qadar qabul qilinadi. Savdolar xuddi shu kuni 10:00 da boshlanadi.

Avvalroq Toshkentda MIB tomonidan auksionga qo‘yilgan hovli boshlang‘ich bahosidan ikki barobar arzonga sotilgani haqida xabar qilingan edi.