Buyuk Britaniyada fevral oyining so‘nggi haftasida ko‘plab ish turlariga nisbatan talab oshdi. Ish o‘rinlari uchun e’lonlar soni o‘tgan oyga nisbatan 40 foizga yuqoriladi. Bu haqda Bloomberg xabar bermoqda.
Buyuk Britaniyaning ishga qabul qilish va bandlik konfederatsiyasi juma kuni e’lon qilishicha, taxminan 1,82 mln bo‘sh ish o‘rinlari mavjud bo‘lib, bu davrda 224,000 ta yangi e’lonlar paydo bo‘lgan.
Ma’lum bo‘lishicha, fitnes bo‘yicha instruktorlar, sotuvchilar va mebel ishlab chiqaruvchilari uchun e’lon qilingan vakansiyalarning har biri 20 foizdan ko‘proqqa oshgan. Bundan tashqari, Buyuk Britaniya asta-sekin ofis ishiga qaytayotgani sababli bolalar qaramog‘i bilan bog‘liq bo‘lgan kasblarga talab oshgan.
Bunday darajadagi bo‘sh ish o‘rinlari siyosatchilarni tashvishga soladigan qattiq mehnat bozorining belgisidir. Bu hafta Angliya bankining bir qator amaldorlari inflyatsiyaning oshish xavfidan xavotirda ekanligini bildirdi. Bu esa Markaziy bankning shu oy oxiridagi yig‘ilishda asosiy foiz stavkasini ko‘tarish ehtimolini oshirmoqda.
Izoh (0)