AQSh hukumati Rossiya elitasi, ularning oila a’zolari va kompaniyalariga qarshi sanksiyalar joriy etdi. Ularning Amerikadagi aktivlari “muzlatiladi”, mol-mulki — bloklanadi. Bu haqda Oq uy matbuot xizmati xabar berdi.
Sanksiyalar ro‘yxatiga tushganlar:
- Rossiya prezidentining matbuot kotibi Dmitriy Peskov;
- Milliarderlar Arkadiy va Boris Rotenberglar;
- USM Holdings asoschisi Alisher Usmonov (shuningdek, uning “Dilbar” yaxtasi va xususiy samolyoti);
- “Transneft” rahbari Nikolay Tokaryov;
- Tadbirkor Yevgeniy Prigojin;
- “VEB.RF” raisi Igor Shuvalov;
- “Rostex” rahbari Sergey Chemezov.
Shuningdek, AQSh 19 nafar rossiyalik oligarx va ularning 47 nafar oila a’zolari hamda yaqinlariga qarshi viza cheklovlarini joriy etmoqda.
“Dezinformatsiya” uchun cheklovlar Rossiyaning yettita tashkilotiga, jumladan, Strategik madaniyat jamg‘armasi, “Yagona Vatan” portali, “Yevrosiyo ritmi” nashri hamda “Kamerton” jurnaliga ta’sir qiladi. Bundan tashqari, Rossiya va Ukrainadan ushbu tuzilmalar bilan aloqador bo‘lgan 26 kishiga ham sanksiya qo‘llaniladi.
Eslatib o‘tamiz, Germaniyada Alisher Usmonovning 156 metrlik “Dilbar” yaxtasi xatlovga olingan, “Everton” Alisher Usmonovga tegishli kompaniyalar bilan hamkorlik qilishni to‘xtatgan, shuningdek, u Yevropa Ittifoqining Rossiyaga qarshi sanksiyalari ro‘yxatiga kiritilgan.Avvalroq Alisher Usmonovga qo‘llangan sanksiyalar xolding kompaniyalariga ta’sir qilmasligi haqida ham xabar berilgandi.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Mavzuga doir:
- “Bitta joyda to‘xtab qolishi va rublning qadrsizlanishi”: Rossiyaning yangi iqtisodiyoti endi qanday bo‘ladi?
- AQSh Rossiyaning mudofaa bilan bog‘liq 22 ta kompaniyasiga nisbatan sanksiyalar qo‘lladi
- Yevropa Ittifoqi Rossiyaning yetti banki SWIFT tizimidan uzib qo‘yilgani va mamlakatga yevro ajratish taqiqlanganini e’lon qildi
Izoh (0)