Буюк Британияда февраль ойининг сўнгги ҳафтасида кўплаб иш турларига нисбатан талаб ошди. Иш ўринлари учун эълонлар сони ўтган ойга нисбатан 40 фоизга юқорилади. Бу ҳақда Bloomberg хабар бермоқда.
Буюк Британиянинг ишга қабул қилиш ва бандлик конфедерацияси жума куни эълон қилишича, тахминан 1,82 млн бўш иш ўринлари мавжуд бўлиб, бу даврда 224,000 та янги эълонлар пайдо бўлган.
Маълум бўлишича, фитнес бўйича инструкторлар, сотувчилар ва мебель ишлаб чиқарувчилари учун эълон қилинган вакансияларнинг ҳар бири 20 фоиздан кўпроққа ошган. Бундан ташқари, Буюк Британия аста-секин офис ишига қайтаётгани сабабли болалар қарамоғи билан боғлиқ бўлган касбларга талаб ошган.
Бундай даражадаги бўш иш ўринлари сиёсатчиларни ташвишга соладиган қаттиқ меҳнат бозорининг белгисидир. Бу ҳафта Англия банкининг бир қатор амалдорлари инфляциянинг ошиш хавфидан хавотирда эканлигини билдирди. Бу эса Марказий банкнинг шу ой охиридаги йиғилишда асосий фоиз ставкасини кўтариш эҳтимолини оширмоқда.
Изоҳ (0)