Kilian Mbappe Edinson Kavanining rekordini yangilash uchun “PSJ”da qolishi mumkin.
23 yoshli fransiyalik futbolchi Liga 1 ning 26-turidan o‘rin olgan “Sent-Etyen”ga qarshi o‘yinda (3:1) dubl qayd etdi va klub tarixidagi eng yaxshi to‘purarlar orasida Zlatan Ibrahimovichga yetib oldi. Hozirda ular 156 ta gol bilan ikkinchi o‘rinni bo‘lishib turibdi. Birinchi o‘rindagi Kavanining hisobida 200 ta gol bor.
“Sent-Etyen”ga qarshi o‘yindan so‘ng Mbappe urugvaylik futbolchiga yetib olishi mumkinligi haqidagi savolga: “‘PSJ’ning eng yaxshi to‘purari maqomini e’tiborsiz qoldirib bo‘lmaydi”, — deb javob berdi.
El Chiringuito’ning xabar berishicha, Kilian parijliklar bilan shartnomasini uzaytirib, klub tarixidagi eng yaxshi to‘purarga aylanish ehtimoli mavjud.
Ma’lumot uchun, Mbappening “PSJ” bilan amaldagi shartnomasi 2022-yilning yoziga qadar amal qiladi. Bungacha uning mavsum oxirida erkin agent sifatida “Real”ga o‘tishi haqida bir necha marotaba xabar berilgandi.
Izoh (0)